पाकिस्तानचे पंतप्रधान इम्रान खान यांच्याविरोधात आणण्यात आलेला अविश्वास ठराव डेप्युटी स्पीकर कासीम सुरी यांनी फेटाळून लावला आहे. इम्रान खान यावेळी संसदेत उपस्थित नव्हते. मात्र त्यांनी राष्ट्रपतींना तत्काळ पत्र लिहिणार असल्याची माहिती समोर आली आहे.
आता इम्रान खान यांनी मध्यावधी निवडणुकांचे (Elections) संकेत दिले आहेत. मी राष्ट्रपतींना विनंती करतो की त्यांनी हे मंत्रिमंडळ बरखास्त करून नव्याने निवडणुका घ्याव्या, असे इम्रान खान म्हणाले आहेत.
क्रिकेटमध्ये निष्णात असलेल्या इम्रानने राजीनामा देण्यास नकार देत शेवटच्या चेंडूपर्यंत उभे राहण्याचे संकेत दिले होते. मला सत्तेवरून हटवण्यासाठी विरोधकांनी विदेशी शक्तींसोबत षडयंत्र रचल्याचे इम्रान खान (Imran Khan) म्हणाले होते. इम्रान खान यांनी एक मेमो प्रसारित केला होता, ज्यामध्ये त्यांनी ठामपणे सांगितले की वॉशिंग्टनने पाकिस्तानच्या (Pakistan) विरोधी पक्षांसोबत षडयंत्र रचले आहे आणि त्यांना सत्तेवरून दूर केले आहे. कारण अमेरिकेला 'वैयक्तिकरित्या, मला सत्तेतून काढून टाकले पाहिजे... आणि सर्व काही माफ केले जाईल' असे वाटते, असे मत त्यांनी या मेमो मधून व्यक्त केले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
