चीन-पाकिस्तान संबंधावर जनरल बाजवा पुन्हा म्हणाले...

पाकिस्तानी लष्कर (Pakistani Army) प्रमुख जनरल कमर जावेद बाजवा (General Qamar Javed Bajwa) यांनी बदलत असणाऱ्या सुरक्षा परिवेश क्षेत्रामध्ये शांतता आणि स्थिरता निर्माण करण्यासाठी पाकिस्तान (Pakistan) आणि चीन (China) यांच्यातील द्वीपक्षीय संबंध पुन्हा नव्याने प्रस्थापित करणे अत्यावश्यक आहे. त्याचबरोबर त्यांनी चीन आणि पाकिस्तानने आपलं हितं लक्षात घेत त्यांचं रक्षणही केलं पाहिजे. पाकिस्तानी लष्कराकडून सांगण्यात आलेल्या माहितीनुसार, जनरल बाजवा चीनच्या पीपल्स लिबरेशन आर्मीच्या 94व्या वर्धापन दिनानिमित्त पाकिस्तानी लष्करांकडून आयोजित कार्यक्रमाला संबोधित करत होते.

त्यांनी पुढे म्हटले, आपला इतिहास आणि आजचा वर्तमान या गोष्टीची ग्वाही देतो की, आपल्या कितीही कठीण आव्हाने आली तरी न डगमगता त्याचा सामना केला पाहिजे. त्या कठीण आव्हानांचा आम्ही निकराने सामना करतो. चीनची पीपल्स आर्मी आणि पाकिस्तानी रेंजर्स यांचे हित एकमेकांशी घनिष्ठ आहेत.

तसेच त्यांनी चीनची सुरक्षा आणि राष्ट्र निर्माणामध्ये पीपल्स लिबरेशन आर्मीच्या भूमिकेचे तोंड भरुन कौतुक केले. कार्यक्रमादरम्यान पाकिस्तानमधील चीनी राजदूत आणि चिनी दूतावासमधील वरिष्ठ अधिकाऱ्यांनीही उपस्थित होते. याच कार्यक्रमात चीनच्या वरिष्ठ अधिकाऱ्यांनी म्हटले की, चीन आणि पाकिस्तान यांचे द्विपक्षीय संबंध मजबूत आहेत. जगामध्ये होत असलेल्या बदलांना स्वीकारत आम्ही आमच्या राष्ट्राची संप्रभुता, क्षेत्रीय अखंडता, क्षेत्रीय शांती आणि स्थीरतेची सुरक्षा राखण्यासाठी आम्ही नेहमी कठिबध्द असणार आहोत.