Nawaz Sharif's driver spat on woman for calling him most corrupt Pakistani at London:
एका धक्कादायक घटनेत, पाकिस्तानचे माजी पंतप्रधान नवाझ शरीफ यांच्या ड्रायव्हरने लंडनमध्ये एका महिलेवर थुंकले, जेव्हा ही घटना घडली तेव्हा शरीफ कारमध्ये ड्रायव्हरच्या शेजारी बसले होते.
पाकिस्तानचे माजी पंतप्रधान नवाझ शरीफ यांचा ड्रायव्हर महिलेवर थुंकतानाचा व्हिडिओ सोशल मीडियावर व्हायरल होत आहे. या घटनेचा व्हिडिओ सोशल मीडियावर समोर आल्यानंतर शरीफ यांना लोकांच्या रोषाला सामोरे जावे लागत आहे.
नवाझ शरीफ ज्या कारमध्ये बसले होते त्याजवळ ही महिला आली. तिने कारच्या खिडकीवर ठोठावले त्यावेळी नवाझ शरीफ यांना वाटले की ती त्यांची फॅन आहे म्हणून त्यांनी खिडकी उघडली आणि महिलेला हाय म्हटले.
महिलेने नवाझ शरीफ यांना नमस्कार केला आणि म्हणाली, "मी ऐकले आहे की तुम्ही एक अतिशय भ्रष्ट पाकिस्तानी राजकारणी आहात." तिचे बोलणे ऐकून नेत्याचा ड्रायव्हर भडकला आणि गाडीजवळ उभ्या असलेल्या महिलेवर थुंकला. महिलेवर थुंकल्यानंतर चालकाने खिडकी बंद केली आणि नेत्यासह घटनास्थळावरून निघून गेला.
महिला शरीफ यांच्या गाडीजवळ गेल्यावर मोबाइलवर व्हिडिओ रेकॉर्ड करत होती. ही संपूर्ण घटना महिलेच्या मोबाइल कॅमेऱ्यात कैद झाली आहे.
लंडनमधील हाइड पार्क परिसरात शनिवारी (16 सप्टेंबर) ही घटना घडल्याचे सांगण्यात येत आहे. 2019 मध्ये पाकिस्तान सोडल्यानंतर नवाझ शरीफ लंडनमध्ये राहत आहेत.
2018 मध्ये अल-अझिझिया मिल्स आणि एव्हेनफिल्ड भ्रष्टाचार प्रकरणात दोषी ठरल्यानंतर शरीफ पाकिस्तानातून पळून गेले होते.
नवाझ शरीफ 21 ऑक्टोबर रोजी पाकिस्तानात परतणार आहेत, असे त्यांचे भाऊ आणि पाकिस्तानचे माजी पंतप्रधान शेहबाज शरीफ यांनी सांगितले.
त्यांची मुलगी मरियम नवाझ यांनी त्यांच्या पक्ष कार्यकर्त्यांना नवाझ शरीफ यांच्या भव्य स्वागताची तयारी करण्यास सांगितले आहे.
हा व्हिडिओ सोशल मीडियावर व्हायरल झाल्यानंतर पाकिस्तानमधील नेटीझन आणि विरोधी पक्ष या नेत्याविरोधात प्रतिक्रिया देत आहेत.
लंडनमधील कायद्यानुसार नवाझ शरीफ यांच्यावर कडक कारवाई करण्याची मागणी करण्यात येत आहे. नवाझ शरीफ हे लंडनमध्ये हिंसाचाराला प्रोत्साहन देत असल्याचाही काहींनी आरोप केला आहे.
या प्रकरणी काहींनी ब्रिटनचे पंतप्रधान ऋषी सुनक आणि संबंधित अधिकाऱ्यांकडे प्रकरणाची तक्रार करत शरीफ आणि त्यांच्या ड्रायव्हरवर कठोर कारवाई करण्यास सांगत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.