जागतिक आरोग्य संघटनेच्या (WHO) मुख्य शास्त्रज्ञ सौम्या स्वामीनाथन यांनी मंकीपॉक्सच्या प्रादुर्भावाकडे दुर्लक्ष करता येणार नाही. तो डोळे उघडायला लावणारा असल्याचे म्हटले आहे. एका वृत्तवाहिनीला दिलेल्या विशेष मुलाखतीत त्या बोलत होत्या, (Monkeypox cannot be ignored say WHO soumya swaminathan )
सौम्या स्वामीनाथन म्हणाल्या की, मंकीपॉक्सचा प्रादुर्भाव आमच्यासाठी डोळे उघडायला लावणारा आहे. कारण या प्राणघातक प्रादुर्भावापासून सावध राहण्यासाठी स्वतःला नेहमीच तयार ठेवणे आवश्यक आहे. याची लस ही अत्यंत मर्यादित आहेत. डेन्मार्क-आधारित कंपनी बव्हेरियन नॉर्डिकने मंकीपॉक्ससाठी लस विकसित केली आहे, परंतु परिणामकारकता डेटा नाही. त्यामूळे याबाबत पुरेशी माहिती मिळत नाही.
मंकीपॉक्स हा कोविडच्या विषाणूपेक्षा घातक असू शकतो का ? या प्रश्नावर डब्ल्यूएचओचे मुख्य शास्त्रज्ञ म्हणाले की, या दोघांची थेट तुलना होऊ शकत नाही. डेटा उपलब्ध नसतानाही, हे स्पष्ट आहे की मंकीपॉक्स हा एक वेगळा विषाणू आहे आणि तो कोविड प्रमाणेच उत्परिवर्तित होणार नाही.
आम्हाला डेटाच्या जागतिक शेअरिंगची गरज - WHO
"आम्हाला सिक्वेन्सिंग आणि इतर सर्व गोष्टी करण्याची गरज आहे. आम्हाला डेटाच्या जागतिक शेअरिंगची गरज आहे. आत्ता आम्हाला ते महामारी बनण्यापासून थांबवायचे आहे. "भारताबद्दल बोलायचे तर, येथे मंकीपॉक्स आहे. आतापर्यंत चार प्रकरणे नोंदवली गेली आहेत, ज्यामध्ये केरळमध्ये तीन आणि दिल्लीत एक प्रकरण नोंदवले गेले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
