Michigan State University Shooting: मिशिगन स्टेट युनिव्हर्सिटीत गोळीबार, तीन जण ठार; हल्लेखोराने स्वतःवरही झाडली गोळी

Michigan State University Shooting: अमेरिकेतील मिशिगन स्टेट युनिव्हर्सिटीमध्ये सोमवारी रात्री एका बंदुकधाऱ्याने केलेल्या गोळीबारात तीन जण ठार तर पाच जण जखमी झाले. हल्लेखोराने नंतर स्वत:वरही गोळी झाडली.

मंगळवारी पहाटे हल्लेखोराने स्वत:वर गोळी झाडल्याचे पोलिसांनी सांगितले. सुमारे चार तासांपूर्वी, त्याने बर्क हॉल, शैक्षणिक इमारत आणि जवळच्या MSU युनियनमध्ये गोळीबार केला होता.

कॅम्पस पोलिस विभागाचे अंतरिम उपप्रमुख ख्रिस रोझमन म्हणाले की, “आजची रात्र आमच्यासाठी खूप वाईट होती.” विद्यापीठातील (University) शेकडो अधिकारी संशयिताचा शोध घेत होते.

पोलिसांनी (Police) दिलेल्या माहितीनुसार, संशयित हा कमी उंचीचा ब्लॅक व्यक्ती असून त्याने लाल शूज, जाकीट आणि टोपी परिधान केली होती. रोझमन पुढे म्हणाले की, हल्लेखोराचा हेतू अद्याप समजू शकलेला नाही आणि त्याचा विद्यापीठाशी काही संबंध होता की नाही हेही कळू शकलेले नाही.

"अशा बर्‍याच गोष्टी आहेत ज्या आम्हाला आत्ता माहित नाहीत," असेही ते म्हणाले. बर्क हॉलमध्ये दोन लोक मारले गेले तर एमएसयू युनियनमध्ये एक व्यक्ती मारला गेला.