Khalistani Conspiracy: पाकिस्तान, कॅनडा आणि अमेरिकेत बसून फुटीरतावादी गट भारताविरुद्ध धोकादायक खलिस्तानी कट रचत असल्याचा इशारा सुरक्षा यंत्रणांनी दिला आहे. सोशल मीडियावर मोठ्या प्रमाणात बनावट हँडल या कटाचा प्रसार करण्यात गुंतले आहेत.
सूत्रांनी दिलेल्या माहितीनुसार, सोशल मीडियावर पाकिस्तानातून मोठ्या प्रमाणात बनावट हँडल सक्रिय आहेत. या बनावट सोशल मीडिया हँडलवर भारताविरोधातील आर्टिकल पोस्ट केले जातात.
29 डिसेंबर रोजी सोशल मीडियावर खलिस्तानच्या नावाने 8,332 पोस्ट करण्यात आल्या, त्यापैकी बहुतांश पोस्टची ठिकाणे पाकिस्तानमध्ये आढळून आली आहेत. त्याचप्रमाणे, 15 डिसेंबर रोजी खलिस्तानच्या नावावर एकूण 8707 पोस्ट होत्या, त्यापैकी बहुतेक पोस्टचे स्थान पाकिस्तान आणि अमेरिका (America) होते.
विशेष म्हणजे, ज्या सोशल मीडिया हँडलवरुन खलिस्तानच्या नावाने पोस्ट केल्या जात आहेत, त्यामध्ये काश्मीरबाबत भारताविरोधात (India) चुकीच्या गोष्टी लिहिल्या जात आहेत.
भारतातील खलिस्तानी कट फसल्याने खलिस्तानी गट नाराज असून, त्यांचा कट यशस्वी करण्यासाठी ते पाकिस्तानी लोकांची मदत घेत आहेत, असे सुरक्षा यंत्रणांचे म्हणणे आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
