Imran Khan: अमेरिका मालक, पाकिस्तान भाड्याची बंदूक; इम्रान खान विरोधकांवर हल्लाबोल

अमेरिकेशी पाकिस्तानचे संबंध मालक आणि नोकरसारखे आहेत. पाकिस्तानचा वापर भाड्याच्या बंदुकीसारखा झाला आहे. असे वक्तव्य पाकिस्तानचे (Pakistan) माजी पंतप्रधान इम्रान खान केले आहे. परकीय कट कारस्थानामुळे पदच्युत झाल्याचा आरोप सातत्याने इम्रान खान (Imran Khan) करत आहेत. इम्रान आता वॉशिंग्टन आणि इस्लामाबाद यांच्यात बरोबरीचे संबंध असावेत अशी अपेक्षा खान यांनी व्यक्त केली आहे.

अमेरिकेच्या भूमिकेवर आपल्या पूर्वीच्या वक्तव्यांचा संदर्भ देताना इम्रान खान म्हणाले, "माझ्यासाठी अमेरिकेचा संबंध संपला आहे, माझ्यासाठी आता तो भूतकाळ आहे. अमेरिकेसोबतचे आमचे नाते मालक-नोकरसारखे आहे. भाड्याच्या बंदुकीप्रमाणे आमचा वापर केला जात होता. पण यासाठी मी अमेरिकेपेक्षा आमच्या सरकारांना जबाबदार धरतो."

रशिया युक्रेनच्या युद्ध सुरू व्हायच्या पूर्वसंध्येला इम्रान खान यांनी मॉस्कोचा दौरा केला होता. इम्रान यांच्या मॉस्को दौऱ्याचा युद्धाशी संबंध जोडण्यात आला. यावर उत्तर देताना इम्रान खान म्हणाले ही बाब “लज्जास्पद” आहे. कारण रशिया दौरा काही महिन्यांपूर्वीच ठरला होता. "आपल्याकडे सध्या जनतेतून निवडून आलेले सरकार नाही, अशा काळात सैन्य आणि लोकांवर मोठी जबाबदारी आहे."

दरम्यान, पाकिस्तान येथे आयोजित लाँग मार्च दरम्यान, इम्रान खान यांच्या पायावर गोळी लागली. त्यानंतर सात दिवस खान दवाखान्यात दाखल होते. दवाखान्यातून खान यांनी पत्रकार परिषद घेऊन पुन्हा मार्च सुरू करणार असे सांगितले होते. त्यानुसार खान यांनी मार्चला पुन्हा सुरूवात केली असून, पुन्हा निवडणूक घेण्याच्या मागणीसह ते विरोधकांवर हल्लाबोल करत आहेत.