PM Fumio Kishida: जपानचे पंतप्रधान फुमियो किशिदा यांना कोरोनाची लागण

जपानचे पंतप्रधान फुमियो किशिदा (Japanese Prime Minister Fumio Kishida) यांना कोरोनाची लागण झाली आहे. किशिदा मोठ्या सुट्टीनंतर सोमवारपासून कामाला सुरूवात करणार होते, पण आज त्यांची कोरोना चाचणी केली असता ती सकारत्मक आली आहे. पंतप्रधान कार्यालयाच्या वतीने याबाबत अधिकृत माहिती दिली आहे.

जपानचे पंतप्रधान फुमियो किशिदा मागील एक आठवड्यापासून सुट्टीवर होते. त्यानंतर येत्या सोमवारपासून कशिदा आपल्या कामाला सुरूवात करणार होते. त्यापूर्वी त्यांना ताप, खोकला जाणवू लागल्याने त्यांनी शनिवारी आरटीपीआर चाचणी केली. किशिदा यांची चाचणी सकारत्क आली आहे. वैद्यकिय निरिक्षणाखाली त्यांच्यावर उपचार सुरू आहेत.

दरम्यान, जपानमध्ये कोरोना रूग्णांची संख्या दिवसेंदिवस वाढत आहे. जगातील तिसरी सर्वात मोठी अर्थव्यवस्थेला कोरोना महामारीचा फटका बसत आहे. कोरोना रूग्णांची संख्या वाढत असली तरी, त्यातुलनेत मृत्यूची संख्या कमी आहे. तसेच, कोरोना रूग्णांनामध्ये सौम्य लक्षणे आहेत.