Pakistan: इमरान खान यांच्यावर फुलांचा वर्षाव; जाणून घ्या काय आहे कारण

Pakistan: पाकिस्तानचे तत्कालीन पंतप्रधान इमरान खान यांच्याविरोधात अटकवॉरंट जारी केले होते. मात्र आता त्यांना आता त्यांना अंतरिम जामीन मिळाला आहे. 9 मार्चपर्यंत पाकिस्तानमधील पोलिस आणि इतर कोणतीही एंजन्सी त्यांना अटक करु शकणार नाही.

त्यांच्यावर असलेल्या अनेक गुन्ह्यासाठी हे अटकवॉरंट जारी केले होते. दुसऱ्या देशांकडून मिळालेल्या वस्तू भेटवस्तू विकल्याचे प्रकरण बरेच चर्चेत आहे. त्याचबरोबर पीटीआय ( PTI) साठी अवैधरितीने पैसे गोळा केल्याचेदेखील त्यांच्यावर आरोप आहे.

मिळालेल्या माहितीनुसार,याआधी 28 फेब्रुवारीला इमरान खान यांना जेव्हा न्यायालयात हजर राहण्याचे आदेश दिले होते. तेव्हा इमरान खान यांच्याबरोबर त्यांचे समर्थकदेखील हजर राहिले होते. इमरान खान यांच्या समर्थनार्थ घोषणा देत फुलांची उधळण केल्याची माहिती दिली आहे.

आता इमरान खान यांना पून्हा न्यायालयात हजर राहण्याचे आदेश दिले आहेत. मात्र इमरान खान यांच्या समर्थकांनी देशव्यापी आंदोलन करण्याचा इशारा दिला आहे.

दरम्यान, तोशाखाना पाकिस्तान( Pakistan )च्या कॅबिनेटचा एक भाग आहे ज्यामध्ये विविध देशांच्या राष्ट्रप्रमुखांनी दिलेल्या महागड्या भेटवस्तू या तोशखान्यात ठेवल्या जातात. इमरान खान यांनी या वस्तू तोशखान्यात कमी पैशात घेऊन त्या विकल्या असल्याचा आरोप त्यांच्यावर आहे.