लंडन: उन्हाळ्याl रात्रीच्या तापमानातही वाढ होत असल्याने पुरुषांना हृदयविकाराचा झटका किंवा पक्षाघाताने मृत्यू होण्याचा धोका अधिक असतो. सामान्य तापमानापेक्षा फक्त एक अंश सेल्सिअसने री उष्णता वाढली तरी हा धोका सुमारे चार टक्क्यांनी वाढतो.
बीएमजे ओपन मॅगझिनमध्ये प्रकाशित झालेल्या अभ्यासानुसार, हा धोका फक्त 60 ते 65 वर्षे वयोगटातील पुरुषांनाच होतो. याचा महिलांवर कोणताही परिणाम होत नाही. यूकेमध्ये गेल्या 15 वर्षांत हृदयविकाराशी संबंधित 40 हजार मृत्यूंवर केलेल्या अभ्यासातून हा निष्कर्ष समोर आला आहे.
हवामान बदलामुळे चिंता वाढली आहे
शास्त्रज्ञ म्हणाले, 'हवामानातील बदलामुळे उन्हाळ्याच्या रात्री उष्ण होत आहेत. अशा स्थितीत अभ्यासाचे निष्कर्ष चिंताजनक आहेत. कालांतराने, यामुळे मृत्यू वाढू शकतात. उष्ण हवामान हृदयासाठी धोकादायक मानले जाते. आधीच हृदयविकाराने (Heart) ग्रस्त असलेल्या लोकांसाठी हे तापमान धोकादायक आणि वेदनादायक आहे.
10 वर्षांत समस्या वाढली
ब्रिटीश तज्ञांनी सांगितले की, 'गेल्या 10 वर्षांत उन्हाळ्यात रात्रीच्या तापमानात अधिक वाढ नोंदवली गेली आहे. अशा परिस्थितीत या अभ्यासाच्या माध्यमातून भविष्यात ते टाळण्यासाठी उपाययोजना करत आहे.
वृद्ध लोकांवर परिणाम होत नाही
हा धोका 65 वर्षांपेक्षा जास्त वयाच्या पुरुषांमध्ये (Men) आढळला नाही. याचे कारण सध्या शास्त्रज्ञांना समजू शकलेले नाही. त्याच वेळी, ही समस्या 60 ते 65 वयोगटातील महिलांमध्ये दिसून आली नाही. अशा स्थितीत शास्त्रज्ञ महिलांवरील या धोक्याचा स्वतंत्रपणे अभ्यास करण्याचा विचार करत आहेत. शास्त्रज्ञांनी सांगितले की, 'रात्री झोपताना एअर कंडिशनरचा वापर, खोल्या गरम होण्यापासून वाचवण्यासाठी पडद्यांचा वापर आणि योग्य प्रमाणात पाणी पिऊन हा धोका टाळता येऊ शकतो .
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
