Zakir Naik In FIFA: वादग्रस्त इस्लामिक धर्मगुरू झाकीर नाईकला फिफा विश्वचषक 2022 चे निमंत्रण देण्यात आले असून, झाकीर नाईक कतारमध्ये पोहोचला आहे. भारतात मनी लाँड्रिंग आणि द्वेषपूर्ण भाषण केल्याचा नाईकवर आरोप आहे. भारतीय गृह मंत्रालयाने झाकीर नाईकवरती बंदी घातली असून, तो सध्या मलेशियात आरामदायी आयुष्य जगत आहे.
भारताने झाकीर नाईकच्या इस्लामिक रिसर्च फाऊंडेशन (IRF) या धार्मिक संघटनेवर 2016 मध्ये बंदी घातली. नाईकवर विविध धार्मिक समुदाय आणि गटांमध्ये शत्रुत्व, द्वेष पसरवल्याचा आरोप आहे. सध्या झाकीर नाईक कतारमध्ये पोहोचला आहे. नाईक FIFA विश्वचषक 2022 मध्ये इस्लामचा प्रचार करण्यासह धार्मिक व्याख्याने देखील देणार असल्याची माहिती समोर आली आहे.
भारतीय गृह मंत्रालयाने (MHA) मार्च 2022 मध्ये, इस्लामिक रिसर्च फाऊंडेशनला पाच वर्षांसाठी बेकायदेशीर घोषित केले. नाईक दहशतवाद्यांचे समर्थन करण्यासह प्रत्येक मुस्लिम दहशतवादी असला पाहिजे असा प्रचार करायचा. तसेच, आक्षेपार्ह भाषण करून लोकांची दिशाभूल करायचा. असे गृहमंत्रालयाने म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
