India Over British Diplomat Visit to PoK Said Unacceptable: ब्रिटनच्या राजदूताने पीओकेला भेट दिल्याने भारताने तीव्र नाराजी व्यक्त केली आहे. ब्रिटनच्या राजदूत जेन मॅरियट यांनी पीओकेमधील मीरपूरला भेट दिल्यानंतर भारताने नाराजी व्यक्त केली. भारताने हे आपल्या सार्वभौमत्वाचे उल्लंघन असल्याचे म्हटले आहे. परराष्ट्र मंत्रालयाने एका निवेदनात म्हटले की, मॅरियट आणि ब्रिटनच्या परराष्ट्र कार्यालयाच्या अधिकाऱ्याच्या आक्षेपार्ह भेटीची भारतीय बाजूने गंभीर दखल घेतली आहे. भारताने आपल्या प्रादेशिक अखंडतेचे उल्लंघन अस्वीकार्य असल्याचे म्हटले आहे. परराष्ट्र सचिव विनय क्वात्रा यांनी भारतातील ब्रिटनचे उच्चायुक्त अॅलेक्स एलिस यांच्याकडे याचा तीव्र निषेध नोंदवला.
भारतीय परराष्ट्र मंत्रालयाने म्हटले की, 10 जानेवारी 2024 रोजी ब्रिटनच्या परराष्ट्र कार्यालयाच्या अधिकाऱ्यासह इस्लामाबादमधील ब्रिटीश राजदूताच्या पाकव्याप्त काश्मीरला झालेल्या अत्यंत आक्षेपार्ह भेटीची भारताने गंभीर दखल घेतली आहे. भारताच्या सार्वभौमत्वाचे आणि प्रादेशिक अखंडतेचे असे उल्लंघन अस्वीकार्य आहे. या उल्लंघनाबद्दल परराष्ट्र सचिवांनी भारतातील ब्रिटिश उच्चायुक्तांकडे तीव्र शब्दात निषेध नोंदवला. परराष्ट्र मंत्रालयाच्या निवेदनात म्हटले आहे की, जम्मू-काश्मीर आणि लडाख हे केंद्रशासित प्रदेश भारताचा अविभाज्य भाग आहेत आणि नेहमीच राहतील.
पाकिस्तानातील ब्रिटनचे राजदूत 10 जानेवारीला पीओकेला गेले होते. ब्रिटिश राजदूताचे नाव जेन मॅरियट आहे. जेन मॅरियट या पाकिस्तानमधील ब्रिटनच्या उच्चायुक्त आहेत. त्या केनियातील माजी एचसी, येमेनच्या राजदूतही राहिल्या आहेत. याआधी त्यांनी इराक, अफगाणिस्तान, अमेरिका आणि इराणमध्येही काम केले आहे.
मॅरियट या काळात अनेक सरकारी अधिकाऱ्यांनाही भेटल्या. याबाबत त्यांनी सोशल मीडियावर एक पोस्टही केली होती. भारताचे संरक्षण मंत्री ब्रिटनच्या दौऱ्यावर असताना हा प्रकर घडला आहे. त्यांनी ब्रिटनचे पंतप्रधान ऋषी सुनक यांची भेट घेतली आहे. ब्रिटीश राजनयिकाच्या भेटीबाबत अनेक प्रश्न उपस्थित केले जात आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
