Imran khan: 'या' सुंदरी इम्रान खानवर होत्या फिदा, त्यांच्यासाठी...

Ex PM Imran khan: पाकिस्तानचे माजी पंतप्रधान इम्रान खान यांची त्यांच्या काळात अनेक सुंदर महिलांशी जवळीकता होती. इम्रान खान जेव्हा पंतप्रधान झाले नव्हते, त्याआधीचे अनेक किस्से आहेत, जे क्वचितच कोणाला माहित असतील.

पाकिस्तानमध्ये अनेक सुंदर महिलांसोबत इम्रान खान यांची जवळीकता दिसून आली आहे. त्यांच्यासाठी अनेक अभिनेत्रीही वेड्या होत्या, असे बोलले जाते. केवळ पाकिस्तानच नाही तर इतर देशांतील अभिनेत्रींना त्यांनी वेड लावले होते.

90 च्या दशकात अनेक मैत्रिणी होत्या

असं म्हणतात की, 90 च्या दशकात इम्रान खान यांना अनेक सुंदर गर्लफ्रेंड होत्या. त्या काळात त्यांच्या प्रेमकहाण्या खूप गाजल्या होत्या.

ते त्यांच्या कॉलेजमध्ये खूप प्रसिद्ध होते. त्यांचा पेहराव फिल्मस्टारपेक्षा कमी नव्हता. यामुळेच कॉलेजबाहेरच्याही मुलींशी त्यांची जवळीकता वाढली होती. त्याकाळी इम्रान खान हे नाव प्रत्येकाच्या ओठावर असायचे. इम्रान खान नेहमी मित्रांच्या ग्रुपमध्ये असत.

झीनत अमान एम्मा सार्जेंटच्या जवळ होत्या

ते चित्रपट अभिनेत्री झीनत अमान, रेखा आणि अगदी पाकिस्तानच्या माजी पंतप्रधान बेनझीर भुट्टो यांच्या खूप जवळ होते. त्यांच्या प्रेमकहाण्या खूप चर्चेत होत्या.

असे म्हटले जाते की, इम्रान खान (Imran Khan) यांची पहिली गर्लफ्रेंड एम्मा सार्जेंट होती. ती एका मोठ्या ब्रिटिश गुंतवणूकदाराची मुलगी होती. एम्मा अनेक क्रिकेट टूरमध्ये इम्रान यांच्यासोबत दिसली होती. त्या काळात एम्मा आणि इम्रान खान यांच्याबद्दल बरीच चर्चा झाली होती.

ऑक्सफर्डमध्ये शिकत असताना इम्रान खान आणि बेनझीर भुट्टो (Benazir Bhutto) यांचे चांगले संबंध असल्याचा दावा एका पुस्तकात करण्यात आला होता. त्यांच्या लग्नाचीही चर्चा होती.

जेमिमा गोल्डस्मिथशी लग्न केले

क्रिकेट जगतातून निवृत्ती घेतल्यानंतर इम्रान खान यांनी वयाच्या 43 व्या वर्षी जेमिमा गोल्डस्मिथसोबत पहिल्यांदा लग्न केले. त्या एक ब्रिटिश समाजसेविका होत्या, पण हे नाते फार काळ टिकले नाही. 9 वर्षांनंतर दोघांमध्ये घटस्फोट झाला.

रेहम खान 2004 मध्ये इम्रान खान यांच्या जवळ आली. 11 वर्षांनी 2015 मध्ये इम्रान यांनी रेहमशी लग्न केले. हे नातेही फार काळ टिकू शकले नाही आणि अवघ्या 9 महिन्यांत दोघांमध्ये घटस्फोट झाला. रेहम खानचेही हे दुसरे लग्न होते.

बुशरा मनिकासोबत तिसरे लग्न केले होते

2018 मध्ये इम्रान खान पंतप्रधान होण्यापूर्वी त्यांनी आध्यात्मिक गुरु बुशरा मनिका यांच्याशी तिसरे लग्न केले होते. बुशरा मनिका यांना 'बुशरा बीबी' या नावानेही ओळखले जाते.

इम्रान खान यांचे नाव सुझी मेरे फिलिपसन, सीता व्हाईट, सारा क्राउली, स्टेफनी बीचम, गोल्डी हॉन, सुझाना, मेरी हॅलोवीन, लिसा कॅम्पबेल, हन्ना मेरी, लुलू ब्लॅकर यांच्याशीही जोडले गेले होते.