व्हँकुवर (Vancouver) हे शहर ब्रिटिश कोलंबियातील आहे. हे कॅनडाच्या (Canada) नैऋत्य भागातील पॅसिफिकमहासागरा जवळ आहे. जून महिन्यात येथील तापमान (Temperature) 20 अंशापर्यंत असते. परंतु या वर्षी हे तापमान (Temperature) 49. 5 अंश पर्यंत गेले आहे. त्यामुळे या भागातील लोकांना याची झळ बसली असून आतापर्यंत 200 पेक्षा अधिक लोक मरण पावल्याची माहिती समोर आली आहे.
29 जूनला सर्वात अधिक तापमान कोलंबियामधील लिटन येथे 49. 5 अंश सेल्सियस इतके नोंदवले गेले आहे. याआधी कॅनडातील तापमान 45 अंश सेल्सियसच्यावर कधीही गेले नाही. वायव्य अमेरिका आणि कॅनडा या देशांच्या वर सध्या तयार झालेल्या उच्च दाबमुळे ही उष्णतेची लाट तयार झाली आहे. तज्ञांच्या मते, हवामानात झालेल्या बदलामुळे ही परिस्थिति निर्माण झाली आहे. येथील लोकांना बदलत्या हवामानाशी जुळवून घेणे हे कठीण जात आहे.
व्हँकुवर शहरात 65 लोकांचा मृत्यू या अतिउष्णतेच्या लाटेमुळे झाल्याची शक्यता आहे. यापूर्वी येथे अशी लाट कधीच आली नव्हती. येथील लोक घरच्या बाहेर पडण्यास टाळत आहेत. इथे 30 अंशापर्यंत लोकांना उन्हाची सवय होती. परंतु यंदा तापमान 49 अंशापर्यंत गेल्याने लोकांना घरात बसने देखील अवघड झाले आहे. कारण येथे अनेकांच्या घरात एसी नाहीत. शहरात अनेक ठिकाणी तात्पुरते पाण्याचे कारंजे आणि कूलिंग सेंटर उभारण्यात आली आहेत. कॅनडाच्या हवामान खात्याने ब्रिटिश कोलंबियात अल्बर्टा व स्साक्त्चेवान या भागात अतिउष्णतेचा इशारा दिला आहे.
अमेरिकेत 28 जूनला पोर्टलँड आणि ओरेगॉन येथे 46. 2 तर सिएटल आणि वॉशिंग्टन येथे 42. 2 अंश सेल्सियस एवढ्या तपमानची नोंद झाली आहे. वॉशिंग्टन आणि ओरेगॉन येथील काही लोकांच्या मृत्यूचे कारण येथील उष्णतेची लाट असू शकते. उष्णतेमुळे आता शहर वाळवंटी प्रदेशासारखे झाले आहे. येथील सर्व लोक टी-शर्ट आणि हाफ पॅन्टवर फिरत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
