Covid 19: जगभरातील कोरोनाची भीती कदाचित संपली असेल, परंतु तज्ज्ञांचे म्हणणे आहे की त्याचा प्रभाव अजूनही लोकांवर दिसत आहे. कोरोनामुळे लोकांच्या रोगप्रतिकारक शक्तीवर मोठा परिणाम झाला आहे. यातच एक धक्कादायक प्रकार समोर आला आहे. एका डच व्यक्तीला गेल्या 613 दिवसांत किमान 50 वेळा कोरोनाची लागण झाली. शेवटी त्याला आपला जीव गमवावा लागला. ॲमस्टरडॅम युनिव्हर्सिटी मेडिकल सेंटरच्या संशोधनात ही बाब समोर आली आहे. 2023 मध्येच त्या व्यक्तीचा मृत्यू झाला.
दरम्यान, 72 वर्षीय डच व्यक्तीला आधीच रक्ताशी संबंधित आजार होता. यानंतर फेब्रुवारी 2022 मध्ये त्याला पहिल्यांदा कोरोना झाला. संशोधनात असे समोर आले आहे की, कोरोनाने त्याच्या शरीरात 50 वेळा रुप बदलले. टाइमच्या अहवालानुसार, अखेरीस कोरोनाने अल्ट्रा म्युटेड फॉर्म घेतला. यापूर्वी एक ब्रिटिश व्यक्ती 505 दिवस कोरोनाग्रस्त राहिला.
कोरोनाची लागण होण्यापूर्वी पीडित व्यक्तीने लसीचे डोसही घेतले होते, असे अहवालात नमूद करण्यात आले आहे. यानंतर त्याला ओमिक्रॉन व्हेरिएंटची लागण झाली. यानंतर त्याची प्रतिकारशक्ती कमी होत गेली. हे देखील लक्षात घेण्यासारखे आहे की कोरोनाने असे रुप धारण केले की ते इतरांना संक्रमित करत नव्हते. या व्यक्तीवर केलेला केस स्टडी आता बार्सिलोना येथे होणाऱ्या ESCMID ग्लोबल काँग्रेसमध्ये सादर केला जाईल.
अभ्यासात असेही म्हटले आहे की, अमेरिकेत कोरोना झालेल्या 24 टक्के लोकांना किमान तीन महिने त्याची लक्षणे जाणवत राहिली. काही दिवसांपूर्वी एम्सच्या एका तज्ज्ञाने दावा केला होता की, कोरोनानंतर लोकांची प्रतिकारशक्ती कमी झाली आहे, त्यामुळे सर्दी, ताप आणि त्वचाविकार वाढले आहेत. आता ते लवकर बरे होत नाहीत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.