Mexico Firing: मेक्सिकोमध्ये पार्टीत घुसून बंदूकधाऱ्यांनी घातला हैदोस, गोळीबारात 6 जणांचा मृत्यू; 26 जण जखमी

Mexico Firing: नववर्ष सुरु होण्याच्या अवघ्या 3 दिवस आधी मेक्सिकोमध्ये शोककळा पसरली आहे. एका पार्टीत बंदूकधाऱ्यांनी हैदोस घातला.
Mexico Firing
Mexico FiringDainik Gomantak

Mexico Firing: नववर्ष सुरु होण्याच्या अवघ्या 3 दिवस आधी मेक्सिकोमध्ये शोककळा पसरली आहे. एका पार्टीत बंदूकधाऱ्यांनी हैदोस घातला. पार्टीसाठी एकत्र आलेल्या लोकांमध्ये अचानक घुसलेल्या बंदूकधाऱ्यांनी गोळीबार सुरु केला आणि एकच खळबळ उडाली. दरम्यान, जीव वाचवण्यासाठी लोक सैरावैरा धावू लागले. गोळीबारात अनेकांचा मृत्यू झाला तर अनेक जण जखमी झाले. उत्तर मेक्सिकोमध्ये शुक्रवारी पहाटे तीन बंदुकधारींनी एका पार्टीत घुसून गोळीबार केला. या घटनेत आतापर्यंत 6 जणांचा मृत्यू झाला असून 26 जण जखमी झाले आहेत.

दरम्यान, मृतांपैकी दोघांचे वय 18 वर्षांखालील असून जखमींमध्ये पाच मुलांचाही समावेश आहे. यावरुन बंदूकधाऱ्यांचा धोकादायक हेतू समजू शकतो. गोळीबार करताना गुन्हेगारांनी लहान मुलांनाही सोडले नाही. सर्व जखमींना जवळच्या स्थानिक रुग्णालयात दाखल करण्यात आले आहे. जखमींपैकी चौघांची प्रकृती चिंताजनक असल्याचे सांगण्यात येत आहे. तर 13 जणांना उपचारानंतर घरी सोडण्यात आले. सोनोरा या सीमावर्ती राज्यातील सरकारी वकिलांनी सांगितले की, हा हल्ला सियुडाड ओब्रेगोन शहरातील एका पार्टीदरम्यान झाला जिथे गॅंगचा सदस्य संशयित होता.

Mexico Firing
Mexico Firing: मेक्सिकोमध्ये दिवसाढवळ्या गोळीबार, भारतीय नागरिकाच्या मृत्यूनंतर 'ही' मोठी अपडेट आली समोर

दुसरीकडे, तीन बंदूकधाऱ्यांनी हा हल्ला केल्याचे समजते पण त्यांचा चौथा सहकारी पार्टीत उपस्थित होता. हल्ल्यादरम्यान, वॉन्टेड गॅंगच्या सदस्याने पळून जाण्याचा प्रयत्न केला परंतु तो मारला गेला. हल्ल्यानंतर बंदूकधारी पळून गेले. सोनोरा येथे अमली पदार्थांची तस्करी करणाऱ्या अनेक गॅंग सक्रिय असून त्यांच्यात वर्चस्वासाठीच्या लढाईत अनेकदा रक्तपात घडतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com