लैंगिक शिक्षणासाठी जागतिक पातळीवर वेगवेगळे उपक्रम राबविण्यात येतात. असाच एक उपक्रम सध्या फ्रान्समध्ये सुरू करण्यात येणार असल्याचे फ्रान्सचे अध्यक्ष इमॅन्युएल मॅक्रॉन यांनी सांगितले आहे.
त्यांनी दिलेल्या माहितीनुसार, इथून पुढे फ्रान्समध्ये 18 ते 25 वर्षे वयोगटातील लोकांसाठी कंडोम लवकरच मोफत उपलब्ध करून दिले जाणार आहेत. जातील कारण देशाचा उद्देश नको असलेली गर्भधारणा आणि लैंगिक संक्रमित रोगांचा प्रसार (STD) कमी करणे आहे. (Free Condoms and Contraceptives)
इमॅन्युएल म्हणाले, 'फार्मसीमध्ये 1 जानेवारीपासून 18 ते 25 वयोगटातील लोकांसाठी कंडोम विनामूल्य असणार आहे. कंडोम मोफत उपलब्ध करून देण्याची योजना 25 वर्षांखालील सर्व महिलांना मोफत गर्भनिरोधक ऑफर करण्यास सुरुवात केल्यानंतर आली आहे. पैशाच्या कमतरतेमुळे आणि दबावामुळे 18 ते 25 वयोगटातील मुली गर्भनिरोधक घेणे टाळतात. ही गोष्ट लक्षात आल्यावर आता मोफत कंडोम आणि गर्भनिरोधक मोहीमेला चालना मिळाली.
फ्रान्समध्ये 2020 आणि 2021 मध्ये STD मध्ये सुमारे 30% वाढ झाली असल्याचा आरोग्य अधिकाऱ्यांचा अंदाज आहे. त्यामुळे हे असे क्षेत्र आहे जिथे शिक्षकांनी अधिक चांगले लैंगिक शिक्षण देण्याची गरज असल्याचे इमॅन्युएल म्हणाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
