तामिळनाडूमध्ये सरकारी शाळेतील शिक्षकांनी 15 हून अधिक विद्यार्थिनींचा केला लैंगिक छळ

शिक्षक आणि विद्यार्थ्यांच्या नात्याला लाज आणणारी घटना तामिळनाडूतून समोर आली आहे. तामिळनाडूच्या रामनाथपुरम जिल्ह्यातील एका सरकारी शाळेतील शिक्षकावर शालेय विद्यार्थिनींनी लैंगिक छळाचे गंभीर आरोप केले आहेत. विद्यार्थिनींच्या तक्रारीनंतर कारवाई करत पोलिसांनी शिक्षकाला अटक केली.

मिळालेल्या माहितीनुसार, शाळेतील (School) 15 विद्यार्थिनींनी शिक्षकाविरोधात तक्रार दाखल केली होती. या सर्व मुली इयत्ता 9वी आणि 10वीच्या होत्या. बालकल्याण विभागाने शाळेत बाल संरक्षणाबाबत जनजागृती मोहीम राबवली असता शिक्षकाचा हा गैरप्रकार उघडकीस आला. या कार्यक्रमानंतर मुलींनी आपली परीक्षा कथन केली.

शाळा संपल्यावर शिक्षक फोन करायचे

पोलिसांनी (Police) दिलेल्या माहितीनुसार, विद्यार्थिनींनी शाळेतील गणित आणि सामाजिक शास्त्र शिकवणाऱ्या दोन शिक्षकांवर लैंगिक छळाचे आरोप केले आहेत. विद्यार्थिनींनी सांगितले की, दोन्ही शिक्षक अनेकदा मुलींशी दुहेरी अर्थाने बोलत असत आणि त्यांना अयोग्य स्पर्श करत असत. एवढेच नाही तर शाळा संपल्यानंतर दोन्ही शिक्षक त्यांना फोन करायचे. विद्यार्थिनींच्या तक्रारीनंतर पोलिसांनी तत्काळ कारवाई करत सामाजिक शास्त्राच्या शिक्षकाला अटक केली तर दुसरा शिक्षक फरार आहे. पोलिस या गणित शिक्षकाचा शोध घेत आहेत. विद्यार्थ्यांच्या तक्रारींची चौकशी जिल्हा शिक्षणाधिकारी, जिल्हा बाल संरक्षण अधिकारी व सर्व महिला ठाणे निरीक्षक करीत आहेत.

तामिळनाडूमध्ये (Tamilnadu) लैंगिक छळाची अनेक प्रकरणे सातत्याने समोर येत आहेत. अलीकडेच, एका प्राध्यापकाने ऑनलाइन क्लासदरम्यान मुलींशी गैरवर्तन करण्याचा प्रयत्न केला. अशा प्रकरणांच्या पार्श्वभूमीवर सरकारने काही मार्गदर्शक तत्त्वे जारी केली आहेत. लैंगिक छळ रोखण्यासाठीचे हे नियम तामिळनाडूमध्ये ऑनलाइन वर्गांसाठी सर्वत्र लागू होतील.