China Taliban Oil Deal: अफगाणिस्तान सध्या आर्थिक संकटाचा सामना करत आहे. यातच, तालिबानच्या नेतृत्वाखालील अफगाणिस्तानसाठी दिलासा देणारी बातमी आली आहे. तालिबानच्या राजवटीत अफगाणिस्तानने चिनी कंपनीसोबत पहिला आंतरराष्ट्रीय करार केला आहे. या संदर्भात, तालिबान राजवटीने उत्तर अमू दर्या खोऱ्यातून तेल काढण्यासाठी पहिला आंतरराष्ट्रीय करार केला आहे.
अफगाणिस्तानला (Afghanistan) आर्थिक संकटातून वाचवण्यासाठी तालिबानने एका चिनी कंपनीसोबत करार केल्याचे सांगण्यात येत आहे. त्यामुळे देशाला मोठ्याप्रमाणात महसूल मिळेल. मात्र, या राजवटीला चीनने अद्याप मान्यता दिलेली नाही.
तसेच, या कार्यक्रमात काबूल, अफगाणिस्तानमधील चीनचे राजदूत वांग यू आणि तालिबानचे (Taliban) आर्थिक घडामोडींचे उपपंतप्रधान मुल्ला अब्दुल गनी बरादर, चायना नॅशनल पेट्रोलियम कॉर्पोरेशनच्या उपकंपनीसोबत झालेल्या करारावर उपस्थित होते. दोघांनी एका कार्यक्रमादरम्यान स्वाक्षरी केली.
तालिबानच्या आर्थिक घडामोडींचे उपपंतप्रधान मुल्ला अब्दुल गनी बरादर यांनी पहिल्या आंतरराष्ट्रीय करारावर सांगितले की, "या करारामुळे अफगाणिस्तानची अर्थव्यवस्था मजबूत होईल." दुसरीकडे मात्र, चीनने अद्याप तालिबान सरकारला मान्यता दिलेली नाही. ते पुढे म्हणाले की, 'हा 25 वर्षांचा करार अफगाणिस्तानला स्वावलंबी होण्याच्या प्रयत्नात मदत करेल.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.