चीनचा तालिबानला पाठींबा? जगासाठी ठरु शकते डोकेदुखी

अफगाणिस्तानच्या (Afghanistan) काना-कोपऱ्यांमध्ये होणाऱ्या अतिरेकी कारवायांमधून समोर येणाऱ्या तालिबानने (Taliban) आता थेट देशाची राजधानी काबुल (kabul) पर्यंत पोहोचत, थेट राष्ट्रपती भवनावर ताबा मिळवला आहे. अफगाणिस्तानचे राष्ट्रपती अशरफ घनी यांनी काल देश सोडून पलायन केल्यानंतर देश आता तालिबान्यांच्या ताब्यात गेला, या गोष्टीवर शिक्कामोर्तब झाल्याचं दिसुन येतय. या सर्व वातावरणातच चीन या प्रकरणावर काय भुमिका घेणार, याकडे सर्व जगाचे लक्ष लागुन असतानाच चीनने तालिबानसोबत मैत्रीपुर्ण संबंध प्रस्थापित करण्याचा विचार करत असल्याची माहिती समोर आली आहे.

तालिबानने सुरु केलेल्या सत्तासंघर्षाबद्दल चीनने शांत राहण्याची भुमिका घेतल्याचे पहायला मिळाले आहे. अफगाणिस्तानच्या शेजारीच असणारा चीन या प्रकरणावर काय भुमिका घेतो यावर अनेक गोष्टी अवलंबुन असणार आहेत. महासत्ता होण्याच्या प्रयत्नात असेलेल्या चीनचे अमेरिकेशी असलेली स्पर्धा हा सर्व घडामोडींमधला महत्वाचा मुद्दा असणार आहे. त्यामुळे चीनने तालिबानशी मैत्रीपुर्ण संबंध जर प्रस्थापित केले तर तो, अमेरिका, भारत आणि जगासाठी डोकेदुखी ठरु शकते.

तालिबान सत्तेत आल्यानंतर पाकिस्तानची भुमिका देखील महत्वाची असणार आहे. चीन, पाकिस्तान आणि तालिबान हे तीघे जर एकत्र आले तर भारतासह ही जगासाठी धोक्याची घंटा ठरु शकते.

दरम्यान, अफगाणिस्तानमध्ये सध्या मोठी अराजकता पसरली असुन, लोक देशातुन पलायन करण्यासाठी मिळेल त्या मार्गाचा वापर करताना दिसता आहे, याच सगळ्या धावपळीत लोक एकमेकांच्या जीवावर उठल्याचे दिसुन येता आहेत. अशातच एक व्हीडीओ समोर आला असुन यामध्ये काही नागरिक विमानाला लटकुन जात असल्याचे दिसते आहे. या घटनेत दोन नागरिक विमानाला लटकले असताना विमान हवेत गेल्यावर खाली पडल्याचे सुद्धा दिसुन येते आहे.