Taliban Crime News: अफगाणिस्तानात सत्तेत आल्यापासून तालिबान अनेक प्रकारचे निर्बंध लादत आहे. मागील काही दिवसांपूर्वी तालिबानने महिलांवर पुन्हा कडक निर्बंध लावले. यातच आता, तालिबानने भर चौकात दोन जणांना मारुन टाकले. तालिबानने या दोन्ही व्यक्तींना सर्वांसमोर गोळ्या घालून ठार मारले. तालिबानची क्रूरता पाहून लोक भयभीत झाले. आग्नेय अफगाणिस्तानातील एका स्टेडियममध्ये मृत्यूची ही थरकाप उडवणारी घटना घडली. अशाप्रकारे दोन जणांना जाहीररित्या मारल्याने अफगाणिस्तानात खळबळ उडाली आहे.
दरम्यान, गझनी शहरातील अली लाला परिसरात असोसिएटेड प्रेस या न्यूज एजन्सीच्या वार्ताहरासह हजारो लोकांच्या उपस्थितीत दोघांना गोळ्या घालून ठार करण्यात आले. तालिबानने या दोघांच्या कथित गुन्ह्यांबद्दल कोणतीही माहिती देण्यास नकार दिला. स्थानिक माध्यमांनी वृत्त दिले की, अनेक न्यायालये आणि तालिबानचा सर्वोच्च नेता हिबतुल्ला अखुंदजादा यांनी कथित गुन्ह्यांसाठी दोघांना ही शिक्षा सुनावली.
घटनास्थळी लोकांचा जमाव जमला होता आणि आत जाण्यासाठी ते अधीर झाले होते. शिवाय, धार्मिक विद्वानांनी पीडितांच्या नातेवाईकांना दोषींना माफ करण्याची विनंती केली, परंतु त्यांनी त्यास नकार दिला. दुपारी एकच्या सुमारास एका व्यक्तीवर आठ तर दुसऱ्यावर सात गोळ्या झाडण्यात आल्या. यानंतर दोघांचेही मृतदेह बाहेर काढले. 2021 मध्ये तालिबानने अफगाणिस्तानात सत्ता हाती घेतल्यापासून गुन्हेगारांना सार्वजनिकरित्या शिक्षा देण्यात आलेली ही चौथी घटना आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.