पेगासस स्पायवेअर बनविणाऱ्या कंपनीच्या अध्यक्षांनी दिला राजीनामा

पेगासस स्पायवेअर विकसित करणारी सायबर सुरक्षा कंपनी NSO चे अध्यक्ष आशर लेव्ही (Asher Levy) यांनी राजीनामा दिला आहे. दरम्यान, पेगासस हेरगिरीवरुन इस्रायल आणि जगातील इतर देशांमध्ये निर्माण झालेला गोंधळ हे आपल्या राजीनाम्याचे कारण असल्याचे मानण्यास त्यांनी मात्र नकार दिला. लेवी म्हणाले, 'कंपनीतून बाहेर पडण्याच्या काही महिने आधीच मी नियोजन केले होते. माझ्या राजीनाम्याचा अलीकडच्या गदारोळाशी काहीही संबंध नाही. (Asher Levy Chairman Of NSO A Cybersecurity Company That Develops Pegasus Spyware Has Resigned)

इस्रायलच्या हेरगिरी प्रकरणाची संसदीय चौकशीची मागणी

या महिन्यात, इस्रायलमधील (Israel) खासदारांनी नागरिकांवर स्पायवेअरचा वापर झाल्याचे सांगत संसदीय चौकशीची मागणी केली आहे. हिब्रू भाषेतील वृत्तपत्र कॅल्कलिस्टच्या अहवालानुसार, 2020 मध्ये, तत्कालीन पंतप्रधान बेंजामिन नेतन्याहू यांच्या विरोधातील निदर्शनांमध्ये सहभागी राजकारणी आणि सामान्य नागरिकांची हेरगिरी करण्यासाठी पोलिसांनी NSO ने तयार केलेल्या स्पायवेअर पेगाससचा (Pegasus Spyware) वापर केला.

दोन महिन्यांपूर्वी, यूएस टेक कंपनी असलेल्या ऍपलने पेगासस बनवणाऱ्या एनएसओ ग्रुपवर गुन्हा दाखल केला होता. एनएसओ ग्रुपने पेगाससच्या माध्यमातून आयफोन युजर्सची हेरगिरी केल्याचे कंपनीचे म्हणणे आहे. एनएसओवर बंदी घालण्याची मागणीही कंपनीने केली आहे. पेगासस हेरगिरी प्रकरणाची भारतात (India) चौकशी सुरु आहे. यासह, आमच्या वापरकर्त्यांचा वैयक्तिक डेटा पूर्णपणे सुरक्षित असेल. कंपनीने पुढे सांगितले की, पेगाससने 1.65 अब्ज वापरकर्त्यांची हेरगिरी केली आहे, ज्यात एक अब्जाहून अधिक आयफोन वापरकर्ते आहेत.