अमेरिकेत अलिकडेच अनेक गोळीबाराच्या घटना घडत आहेत. नुकताच कॅलिफेर्नियामधील (California) एका चर्चमध्ये गोळीबार झाल्याची घटना समोर आली आहे. एका व्यक्तीने चर्चमध्ये केलेल्या गोळीबारात एका व्यक्तीचा मृत्यू झाला असून चार जण जखमी झाले आहेत. पोलिसांनी संशयित आरोपीला ताब्यात घेत चौकशी सुरु केली आहे. आरोपीकडून हत्यार जप्त करण्यात आले आहे. (California Church Shooting News)
येथील स्थानिक पोलिसांनी दिलेल्या माहितीनुसार, ऑरेंज काउंटी शेरीफ विभागाने सांगितले की लगुना वुड्स शहरातील जिनिव्हा प्रेस्बिटेरियन चर्चमधून गोळीबार झाल्याचा आवाज ऐकू आला. ही घटना दुपारी 1 च्या सुमारास घडली. गोळीबाराच्या आवाजामुळे परिसरात चांगलीच खळबळ उडाली. लोक जीव वाचवण्यासाठी इकडे तिकडे पळू लागले. या गोळीबारात एका व्यक्तीचा मृत्यू झाल्याची प्राथमिक माहिती समोर आली आहे.
* चर्चमध्ये 30 नागरिक उपस्थित होते
पोलिसांनी दिलेल्या माहितीनुसार, गोळीबार करणाऱ्या व्यक्तीला अटक करण्यात आली आहे. आरोपीकडून हत्यार देखील जप्त करण्यात आली आहे. ऑरेंज काउंटी शेरीफ विभागाच्या प्रवक्त्याने माहिती दिली, गोळीबार झाला तेव्हा चर्चमध्ये 30 लोक हजर होते. चर्चमधील उपस्थितांपैकी बहुतेक लोक मूळचे तैवानचे होते. या प्रकरणाची सखोल चौकशी करण्यात येत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
