G-20 Summit: जपाननंतर आता दक्षिण कोरियाचा मोदी सरकारला झटका

G-20 Summit: आजपासून भारतात जी-20 ची परराष्ट्रमंत्र्यांची बैठकीस सुरुवात झाली आहे. याआधी जपानचे परराष्ट्रमंत्री या बैठकीस उपस्थित राहणार नसल्याची माहिती समोर आली होती. आता जपानपाठोपाठ दक्षिण कोरियादेखील जी-20च्या परराष्ट्र मंत्र्याच्या बैठकीस उपस्थित राहणार नसल्याची माहिती मिळाली आहे.

जपानच्या परराष्ट्रमंत्र्यांनी आपल्या संसदीय कामांना प्राथमिकता देत भारतात जी-20 मिटिंगसाठी येण्यास नकार दिला आहे. जपान ( Japan )च्या परराष्ट्र खात्यानुसार, जपानचे उपविदेशमंत्री या बैठकीत भाग घेणार आहेत.

आता दक्षिण कोरिया( North-Korea )ने देशातील अंतर्गत कामामुळे जी-20 मिटिंगमधील परराष्ट्रमंत्र्यांच्या बैठकीस येण्यास नकार दिला आहे.

दरम्यान, भारताने रशिया-युक्रेन युद्धात भारताने रशियाविरोधी भूमिका घ्यावी यासाठी युरोपीय देश भारतावर दबाव आणत आहेत. रशिया-युक्रेनच्या युद्धाबाबत भारत आणि युरोपीय देशांच्या भूमिकेत तफावत असल्याने जी-20 च्या बैठकीवर परिणाम होणार का असा प्रश्न निर्माण होत आहे.

• भारतावर काय परिणाम होतील?

  जपान हा भारताचा घनिष्ठ मित्र मानला जातो. याबरोबरच यावर्षी जी-7 परिषदेचे प्रतिनिधित्व जपान करणार आहे. याबरोबच दक्षिण कोरिया भारतीय अर्थव्यवस्थेतील मोठा गुंतवणूकदार मानला जातो.

तज्ञांच्या मते, भारताची रशिया-युक्रेनयुद्धातील तटस्ठ भूमिका इतर देशांसोबतच्या संबंधावर परिणाम करु शकते.