तालिबानने (Taliban) अफगाणिस्तान (Afghanistan) ताब्यात घेतल्यानंतर भारतात राहणाऱ्या अफगाणिस्तानच्या नागरिकांना त्यांच्या कुटुंबीयांची काळजी वाटते आहे. आपले कुटूंबीय आणि नातलगांच्या चिंतेत असणाऱ्या या अफगाणी नागरिकांना आता जगभरातून मदतीची अपेक्षा आहे आणि याच आशेवर हे लोक कायम आहेत. (Afghans citizens living in India have expressed hope that only Modi can help Afghanistan)
विशेषतः या लोकांना भारताकडून मोठ्या आशा आहेत अशा भावना, भारतात मागच्या अनेक वर्षांपासुन राहत असलेल्या अफगाण वंशाचे व्यापारी जहीर खान यांनी व्यक्त केल्या आहेत. पाकिस्तान, चीन आणि सौदी अरेबियावर आमचा विश्वास नाही, मात्र भारतावर आमचा प्रचंड विश्वास आहे. विशेषत: पंतप्रधान नरेंद्र मोदी यांच्याकडून आम्हाला मोठ्या आशा आहेत, असेही झहीर खान यांनी सांगितले आहे. पुढे ते असेही म्हणाले की, पंतप्रधान नरेंद्र मोदीच आम्हाला मदत करू शकतात.
'तालिबान शासित अफगाणिस्तानला आम्ही स्वीकारणार नाही'
कोलकात्यातील मलिक बाजारचे व्यापारी असलेले झहीर खान, आज अफगाणिस्तानची परिस्थिती पाहून खूप दुःखी आहे. ते म्हणाले की, तालिबानची सत्ता असलेल्या अफगाणिस्तानला आम्ही कधीही स्वीकारणार नाही. झहीर पुढे असेही सांगतात की, त्यांचे वडील सुमारे 25 वर्षांपूर्वी अफगाणिस्तानातून भारतात आले होते.आणि तेव्हापासून ते कोलकाता येथे राहत आहेत.
कोलकातामध्ये अनेक अफगाणींची स्वतःची घरं आहेत. त्यांना त्या भागात 'काबुलीवाला' अर्थात 'काबुलचे लोक' म्हणून ओळखले जाते. हे लोक 1840 च्या आसपास येथे आले होते आणि तेव्हापासून ते कोलकातामध्ये राहत होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
