अफगाणिस्तान पुन्हा हादरले, मशिदीत बॉम्बस्फोट

शुक्रवारी पुन्हा एकदा अफगाणिस्तानची (Afghanistan) जमीन पुन्हा एकदा बॉम्बस्फोटांनी हादरली आहे. मिळालेल्या माहितीनुसार, कुंदुज जिल्ह्यात असलेल्या मशिदीमध्ये (Mosque) झालेल्या बॉम्बस्फोटात अनेक लोक ठार झाले तर अनेक जण जखमी झाले आहेत. आतापर्यंत कोणत्याही गटाने या हल्ल्याची जबाबदारी स्वीकारलेली नाहीये. (Afghanistan shakes again mosque bombing)

अफगाणिस्तानचे कुंदुज इमाम साहिब, कुंदुझ जिल्ह्याचे पोलिस प्रमुख हाफिज उमर यांनी माध्यमांशी बोलताना सांगितले की, ही घटना आज दुपारी मावली सिकंदर मशिदीत घडली आहे. मशिदीत बॉम्बस्फोट झाल्याचे त्यांनी सांगितले आहे. त्यावेळी काही लोक मशिदीमध्ये नमाज अदा करत होते, अचानक झालेल्या बॉम्बस्फोटामुळे घटनास्थळी गोंधळ निर्माण झाली आणि 30 हून अधिक लोक ठार झाले तर काही जखमी झाले.

जखमींना रुग्णालयात दाखल करण्यात आले असून, अद्याप कोणत्याही गटाने या हल्ल्याची जबाबदारी स्वीकारलेली नाहीये.

उत्तर अफगाणिस्तानातील मजार-ए-शरीफ शहरातील शिया मशिदीत झालेल्या शक्तिशाली स्फोटात किमान 10 उपासक ठार तर 40 जण जखमी झाले आहेत. तालिबान राजवटीने अफगाणिस्तानवर ताबा मिळवल्यापासून स्फोट आणि हल्ले या देशात नित्याचीच बाब झाली आहे आदल्या दिवशी काबूलमध्ये आणखी एका घटनेत दोन मुले जखमी झाली आहेत.