Canada Shootout: कॅनडा येथील गोळीबारात भारतीय विद्यार्थ्याचा मृत्यू

कॅनडातील ओंटारियो येथे गोळीबारात (Canada Shootout) जखमी झालेल्या एका भारतीय विद्यार्थ्याचा मृत्यू झाला आहे. या घटनेत एका पोलीस कर्मचाऱ्यासह अन्य दोघांनाही जीव गमवावा लागला आहे. सोमवारी मिल्टनमध्ये झालेल्या गोळीबारात एक भारतीय विद्यार्थी जखमी झाला. सतविंदर सिंग असे नाव असलेल्या या विद्यार्थ्याचा शनिवारी हॅमिल्टन शासकीय रुग्णालयात उपचारादरम्यान त्याचा मृत्यू झाला, अशी माहिती हिल्टन टेरिटोरियल पोलिस सर्व्हिसने जारी केलेल्या निवेदनाद्वारे दिली आहे.

भारतीय विद्यार्थी सतविंदर सिंग एमके ऑटो रिपेअर्समध्ये अर्धवेळ काम करत होता. यावेळी झालेल्या गोळीबारात त्यालाही गोळी लागली. या घटनेनंतर त्याला तातडीने रुग्णालयात दाखल करण्यात आले. या घटनेत टोरंटो पोलीस हवालदार अँड्र्यू हॉग आणि एमके ऑटो रिपेअरचे मालक शकील अश्रफ यांचाही मृत्यू झाला आहे. असे पोलिसांनी जारी केलेल्या निवेदनात म्हटले आहे.

हल्लेखोराने गोळीबार केल्यानंतर पोलिसांनीही त्याला प्रत्युत्तर दिले, असे पोलिसांनी सांगितले. यामध्ये हल्लेखोराचा मृत्यू झाला. 40 वर्षीय शॉन पेट्री असे त्याचे नाव आहे.