Rahul Gandhi Disqualified: वायनाड मतदारसंघात पोटनिवडणूक होणार की नाही?

निवडणूक आयोग काय करणार याकडे लक्ष; तर आयोगाचे राहुल गांधींच्या पुढील कृतीवर लक्ष
Rahul Gandhi
Rahul Gandhi Dainik Gomantak

Rahul Gandhi Disqualified: काँग्रेसचे नेते राहुल गांधी यांनी पंतप्रधान नरेंद्र मोदी यांची बदनामी केल्याप्रकरणी सुरत न्यायालयाने काँग्रेस नेते राहुल गांधी यांना 2 वर्षांची शिक्षा सुनावली आहे. यानंतर शुक्रवारी राहुल यांचे संसद सदस्यत्व रद्द करण्यात आले.

केरळमधील वायनाड येथून ते लोकसभेचे खासदार म्हणून निवडून आले होते. दरम्यान, आता वायनाड येथे पोटनिवडणूक होऊ शकते किंवा कसे यावरून तर्कवितर्क लढवले जात आहेत.

Rahul Gandhi
Rahul Gandhi Disqualified: राहुल गांधींना सोडावा लागणार सरकारी बंगला? जाणून घ्या नियम

तथापि, पोटनिवडणुकीची घोषणा करण्यापूर्वी निवडणूक आयोग कायदेशीर पैलूंवर अभ्यास करत आहे. राहुल गांधींनी वरिष्ठ न्यायालयात अपील आणि न्यायालयाच्या निर्णयावरही निवडणूक आयोग लक्ष ठेवणार आहे.

कारण, एकदा वायनाड येथे पोटनिवडणूक जाहीर करून न्यायालयाचा निर्णय जर विरोधात असेल तर पुन्हा पोटनिवडणूक रद्द करायला लागू नये, यासाठी निवडणूक आयोग ही खबरदारी घेत आहे.

अलीकडेच लक्षद्वीपच्या खासदाराचे सदस्यत्व उच्च न्यायालयाने बहाल केल्यानंतर निवडणूक आयोगाला लक्षद्वीप पोटनिवडणूक रद्द करावी लागली होती. लक्षद्वीपचे खासदार मोहम्मद फैजल यांचे सदस्यत्व खालच्या न्यायालयाने महाभियोग चालवल्यानंतर रद्द करण्यात आले होते.

यानंतर निवडणूक आयोगाने पोटनिवडणुकीची घोषणा केली. पण फैजल यांना उच्च न्यायालयाकडून दिलासा मिळाल्याने आयोगाला आपला निर्णय मागे घ्यावा लागला.

Rahul Gandhi
Rahul Gandhi Disqualified: राहुल गांधी यांची खासदारकी का रद्द झाली ?

वेट अँड वॉच अशी भूमिका सध्या निवडणूक आयोगाने घेतली आहे. राहुल गांधींच्या आगामी कायदेशीर प्रक्रियेचा निकाल पाहण्यासाठी येत्या काही दिवसांची वाट आयोग पाहणार आहे. राहुल गांधींच्या कायदेशीर प्रक्रियेत लवकर निर्णय न झाल्यास निवडणूक आयोग पोटनिवडणूक जाहीर करेल.

काय आहे प्रकरण?

2019 मध्ये कर्नाटकातील कोलार येथील सभेत राहुल गांधी यांनी 'सर्व चोरांचे आडनाव मोदी का असते?', असा सवाल केला होता. त्यावरून बरेच राजकारण झाले होते. त्यानंतर भाजपचे आमदार आणि माजी मंत्री पूर्णेश मोदी यांनी राहुल गांधींविरोधात मानहानीचा खटला दाखल केला. राहुल गांधींनी संपूर्ण मोदी समाजाचा अपमान केल्याचा आरोप त्यांनी केला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com