"गोवा में खेलो होबे" म्हणत दिदींच्या तृणमुलचा देशभरातील निवडणुकासांठी हुंकार ?

पश्चिम बंगालच्या मुख्यमंत्री ममता (West Bengal Chief Minister Mamata Banerjee) बॅनर्जी आता तृणमूल काँग्रेसला (TMC) राज्याबाहेरही बळकट करण्यात व्यस्त आहेत. दरम्यान, सूत्रांनी हेही सांगितले की, तृणमूल काँग्रेस गोवा विधानसभा निवडणूक (Goa Assembly Elections) लढवू शकते. सूत्रांनी दिलेल्या माहितीनुसार, टीएमसीने गोव्यात आपले पाय रोवायला सुरुवात केली आहे. विधानसभा निवडणुका लक्षात घेता, आयपीएसीच्या टीमने गोव्यात काम सुरू केले आहे. राज्यात पुढील वर्षी विधानसभा निवडणुका होणार आहेत. (Will Mamata Banerjee's TMC fight assembly elections in Goa as well as across the India)

सूत्रांच्या माहितीनुसार, टीएमसी येत्या काही दिवसांत गोव्यात विधानसभा निवडणूक लढवण्याची अधिकृत घोषणाही करू शकते. मिळालेल्या माहितीनुसार, भवानीपूरच्या आजच्या बैठकीत ममता बॅनर्जींनी "गोवा में खेलो होबे" ​​असा नाराही दिला आहे.

गोव्यात विधानसभेच्या एकूण 40 जागा आहेत. 2017 च्या विधानसभा निवडणुकीत काँग्रेसने सर्वात जास्त 17 जागा जिंकल्या होत्या. मात्र, काँग्रेसला सरकार स्थापन करता आले नाही. त्यांनी 37 जागांवर आपले उमेदवार उभे केले होते. त्याचवेळी भाजपने 36 जागांवर उमेदवार उभे केले होते आणि 13 जागा जिंकल्या होत्या. अपक्ष, जीएफपी आणि एमएजीकडे प्रत्येकी तीन जागा होत्या. एक जागा राष्ट्रवादीच्या उमेदवाराने देखील जिंकली होती.

तर गेल्या निवडणुकीत अरविंद केजरीवाल यांचा पक्ष आम आदमी पार्टीनेही नशीब आजमावले होते पण ती एकही जागा जिंकू शकली नाही. यावेळी अरविंद केजरीवाल यांनी जाहीर केले की आगामी गोवा विधानसभा निवडणुका जिंकल्यानंतर सत्तेवर आल्यास त्यांचा पक्ष खाजगी क्षेत्रासह स्थानिक लोकांसाठी 80 टक्के नोकऱ्या राखून ठेवेल. खाण आणि पर्यटन उद्योग सामान्य होईपर्यंत या क्षेत्रांवर अवलंबून असलेल्या कुटुंबांना मासिक 5 हजार रुपये मोबदला देण्याचे आश्वासनही त्यांनी दिले आहे.