Delhi High Court: पैशाच्या वादातून बलात्काराचा खोटा खटला दाखल करणाऱ्या महिलेचे वर्तन अन्यायकारक असल्याचे सांगत दिल्ली उच्च न्यायालयाने अशा प्रवृत्तीला आळा घालण्याची गरज असल्याचे म्हटले आहे. या प्रकरणात न्यायालयाने तक्रारदार महिला आणि आरोपी यांच्यातील परस्पर सामंजस्याने बलात्काराचा खटला रद्द केला. मात्र, अशाप्रकारचे वर्तन आणि कायद्याचा दुरुपयोग केल्याबद्दल न्यायालयाने महिलेला अंध मुलांच्या शाळेत दोन महिने सेवा देण्याचे आदेश दिले.
झाडांची काळजी घ्या
न्यायमूर्ती जसमीत सिंह यांनी या प्रकरणातील आरोपीला 50 झाडे लावून त्यांची पाच वर्षे काळजी घेण्याचे आदेश दिले आहेत. न्यायालयाने हे प्रकरण रद्द करताना म्हटले की, 'पीडित महिलेचे वर्तन अत्यंत अयोग्य आहे.' न्यायालयाने पुढे सांगितले की, 'महिलेने (Woman) स्वत: मान्य केले की, ती मानसिक नैराश्यातून जात होती, परिणामी चुकीच्या सल्ल्याच्या आधारे आरोपीविरुद्ध (Accused) बलात्काराचा गुन्हा दाखल करण्यात आला.'
दरम्यान, न्यायालयाने (Court) महिलेला समाजसेवा करण्याचे आणि अंध मुलांच्या शाळेत आठवड्यातून पाच दिवस तीन तास, दोन महिने काम करण्याचे आदेश दिले आहेत. यासोबतच आरोपीला रोहिणी परिसरात 50 झाडे लावून त्यांची पाच वर्षे निगा राखण्याचे आदेश दिले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
