Viral Video: अजब तुझा कारभार! स्कूटीवर ठेवली दुसरी स्कूटी, तरुणीचा जीवघेणा जुगाड; सोशल मीडियावर अतरंगी व्हिडिओचा धुमाकूळ

Viral Video Scooter on Scooter: सोशल मीडिया हे असे प्लॅटफॉर्म आहे जिथे दररोज काही ना काही अजब आणि धक्कादायक पाहायला मिळते. अनेकदा रस्त्यावरुन ये-जा करताना आपल्याला अशा काही गोष्टी दिसतात, ज्याची आपण कल्पनाही केलेली नसते. अशाच अतरंगी गोष्टी लोकांचे लक्ष वेधून घेतात आणि काही वेळातच त्या इंटरनेटवर व्हायरल होतात. सध्या असाच एक व्हिडिओ सोशल मीडियावर धुमाकूळ घालत आहे, ज्यामध्ये दोन व्यक्ती चक्क एका स्कूटीवर दुसरी स्कूटी ठेवून प्रवास करताना दिसत आहेत. हा अजब प्रकार पाहून नेटकरीही चक्रावून गेले आहेत.

तुम्ही आजवर दुचाकीवरुन एकापेक्षा जास्त व्यक्तींना जाताना किंवा सामान वाहून नेताना पाहिले असेल, मात्र एका दुचाकीच्या सीटवर दुसरी दुचाकी ठेवून नेणे हे पाहणे दुर्मिळच. व्हायरल होत असलेल्या या व्हिडिओमध्ये एक व्यक्ती स्कूटी चालवत असल्याचे दिसते, तर त्याच्या मागे एक तरुणी बसलेली आहे. धक्कादायक बाब म्हणजे, या दोघांच्या मध्ये चक्क दुसरी एक स्कूटी ठेवलेली आहे. मागे बसलेल्या तरुणीने मधल्या स्कूटीला घट्ट धरुन ठेवले आहे, जेणेकरुन ती खाली पडू नये. एका चालत्या दुचाकीवर अशा प्रकारे दुसरे वाहन लादून नेणे हे केवळ अतरंगीच नाही, तर अत्यंत धोकादायक देखील आहे. मात्र, याच अजब 'जुगाड'मुळे या व्हिडिओने सर्वांचे लक्ष वेधून घेतले.

हा व्हिडिओ इंस्टाग्रामवर 'blestia' नावाच्या अकाऊंटवरुन शेअर करण्यात आला. बातमी लिहेपर्यंत या व्हिडिओला 3 लाख 86 हजारांहून अधिक लोकांनी लाईक केले आहे. व्हिडिओ पाहिल्यानंतर नेटकऱ्यांनी त्यावर मजेशीर आणि आश्चर्यकारक प्रतिक्रिया दिल्या आहेत. एका युजरने विचारले की, "नेमके हे काय चालले आहे?", तर दुसऱ्याने त्या तरुणीचे धाडस पाहून तिला "खरी स्ट्रॉन्ग वुमन" म्हटले आहे. एका युजरने अतिशय मिश्किल टिप्पणी करत लिहिले की, "एक मोटार दुसऱ्या मोटारीला मदत करत आहे."

जरी हा व्हिडिओ मनोरंजक वाटत असला, तरी अशा प्रकारे प्रवास करणे अपघाताला (Accident) निमंत्रण देणारे ठरु शकते. सुरक्षिततेच्या सर्व नियमांना धाब्यावर बसवून केलेले हे कृत्य सध्या चर्चेचा विषय ठरले. या अतरंगी व्हिडिओमुळे पुन्हा एकदा सिद्ध झाले की, प्रसिद्धी मिळवण्यासाठी किंवा एखादी समस्या सोडवण्यासाठी लोक कोणत्या थराला जाऊ शकतात.