Viral Video: 'तो' देवदूत बनून आला! स्वतःच्या जीवाची पर्वा न करता वासराला पाठीवर बसवून वाचवला जीव; पूरग्रस्त जम्मूतील हृदयस्पर्शी व्हिडीओ व्हायरल

Jammu Calf Rescue Viral Video: जम्मूमध्ये आलेल्या भीषण पुरामुळे केवळ माणसाचेच नाही, तर प्राण्यांचेही मोठे हाल झाले आहेत.
Jammu Calf Rescue Viral Video
Viral VideoDainik Gomantak
Published on
Updated on

Jammu Calf Rescue Viral Video: जम्मूमध्ये आलेल्या भीषण पुरामुळे केवळ माणसाचेच नाही, तर प्राण्यांचेही मोठे हाल झाले आहेत. पूर आणि जोरदार पावसामुळे अनेक प्राणी घाबरले असून त्यांचीही अवस्था बिकट झाली आहे. अशा कठीण परिस्थितीत एका व्यक्तीचा एक हृदयस्पर्शी व्हिडीओ सोशल मीडियावर मोठ्या प्रमाणात व्हायरल होत आहे, ज्यात तो एका लहान वासराला आपल्या पाठीवर बसवून त्याचे प्राण वाचवताना दिसत आहे. त्याचा हा माणुसकीचा प्रयत्न पाहून नेटकऱ्यांनी त्याचे भरभरुन कौतुक केले आहे.

आधी हा व्हिडिओ पाहा!

Jammu Calf Rescue Viral Video
Viral Video: चिमुकल्याला पाठीवर बसवून डॉल्फिनची 'जलसफर'! हृदयस्पर्शी व्हिडीओ तूफान व्हायरल; तुम्ही पाहिलाय का?

माणुसकीचे दर्शन घडवणारा व्हिडीओ

व्हिडीओमध्ये (Video) पूर आलेल्या भागातील दृश्य दिसते आहे, जिथे चारही बाजूने पाणीच पाणी आहे. याच पाण्यातून एक व्यक्ती मोठ्या प्रयत्नाने मार्ग काढत पुढे जात आहे. त्याने एका लहान वासराला आपल्या पाठीवर अगदी लहान मुलासारखे उचलून घेतले आहे. वासराला सुरक्षित ठिकाणी घेऊन जाण्यासाठी तो पाण्यातून वाट काढत आहे. त्या व्यक्तीने केवळ वासराला उचलले नाही, तर त्याला जोरदार पावसापासून वाचवण्यासाठी वरुन प्लास्टिकची पॉलीथीनही झाकले आहे. या दृश्यात त्या व्यक्तीची वासराविषयीची दया आणि प्रेम स्पष्ट दिसते.

दरम्यान, हे दृश्य पाहताना कुणाचेही डोळे पाणावतात. पूर आणि नैसर्गिक आपत्तीच्या काळात माणूस आपले आणि आपल्या कुटुंबाचे प्राण वाचवण्यासाठी धडपडत असतो. अशा वेळी स्वतःचा जीव धोक्यात घालून एका मुक्या प्राण्याचा जीव वाचवण्याचा हा प्रयत्न खऱ्या माणुसकीचे दर्शन घडवतो. वासराला सुरक्षित ठिकाणी पोहोचवण्याची त्याची धडपड पाहून अनेकांनी त्याचे कौतुक केले आहे.

नैसर्गिक आपत्ती आणि प्राण्यांचे हाल

नैसर्गिक आपत्त्यांमध्ये प्राणी नेहमीच असुरक्षित आणि असहाय्य असतात. पुरामुळे त्यांचा नैसर्गिक अधिवासा नष्ट होतो आणि त्यांना सुरक्षित ठिकाण मिळत नाही. पाण्यामुळे त्यांचा चारा आणि पिण्याचे पाणीही दूषित होते. अनेकदा पाण्याचा जोरदार प्रवाह त्यांना वाहून नेतो, ज्यामुळे त्यांचा जीव जातो. जम्मूतील या पुरामध्येही अनेक जनावरांना मोठा फटका बसला. त्यामुळे या व्यक्तीने केलेले काम अधिक महत्त्वाचे ठरते. त्याने केवळ एका वासराचा जीवच वाचवला नाही, तर एक आशा निर्माण केली की, कठीण काळातही माणुसकी जिवंत राहते.

हा व्हिडीओ सोशल मीडियावर (Social Media) अपलोड होताच अवघ्या काही तासांत तो प्रचंड व्हायरल झाला. लाखो लोकांनी तो पाहिला, लाईक केला आणि शेअर देखील केला. व्हिडीओवर कमेंट्सचा पाऊस पडला. "हीच खरी माणुसकी आहे," "माणूस अजूनही जिवंत आहे," "या व्यक्तीला सलाम," अशा अनेक सकारात्मक कमेंट्स लोकांनी दिल्या. काहींनी तर त्या व्यक्तीला 'रिअल हिरो' असे म्हटले.

Jammu Calf Rescue Viral Video
Viral Video: बापाने मुलाकडून घेतली अशी शपथ, व्हिडिओ पाहून नेटकरी भावूक; 'स्वतःचा जीव पणाला लावून...'

दया आणि करुणेचा संदेश

तसेच, हा व्हिडीओ केवळ एका व्यक्तीच्या शौर्याबद्दल नाही, तर तो दया आणि करुणेचा एक मोठा संदेश देतो. तो आपल्याला आठवण करुन देतो की माणूस आणि इतर प्राण्यांमधील नाते किती खोलवर रुजलेले आहे. जेव्हा निसर्ग आपले रौद्र रुप दाखवतो, तेव्हाही काही व्यक्ती आपल्या कृतीने जगाला एक सकारात्मक संदेश देतात. या व्यक्तीने केलेले काम हे सिद्ध करते की, एका लहानशा कृतीतूनही आपण मोठे बदल घडवू शकतो आणि इतरांनाही मदतीसाठी पुढे येण्याची प्रेरणा देऊ शकतो. हे दृश्य आपल्याला आठवण करुन देते की, नैसर्गिक आपत्तीच्या काळात प्रत्येक जीवाला मदतीची गरज असते, मग तो माणूस असो वा प्राणी. अशा परिस्थितीत मदत करण्यासाठी पुढे येणाऱ्या लोकांचे कार्य खरोखरच कौतुकास्पद आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com