Video: पंजाबच्या नव्या मुख्यमंत्र्यांचा 'भांगडा' होतोय व्हायरल

पंजाबचे नवे मुख्यमंत्री म्हणून नियुक्त झालेले चरणजीत सिंह चन्नी (Charanjit Singh Channi) यांचा एक व्हिडिओ सोशल मीडियावर प्रचंड व्हायरल होत आहे. या व्हिडिओमध्ये चरणजीत सिंह चन्नी भांगडा (Bhangra) करताना दिसत आहेत. या व्हिडिओमध्ये सांगितले जात आहे की, पंजाबचे मुख्यमंत्री चरणजीत सिंह चन्नी यांनी कपूरथला येथे एका कार्यक्रमादरम्यान भांगडा केला.

कॅप्टन अमरिंदर सिंह (Capt. Amarinder Singh) यांच्या राजीनाम्यानंतर काँग्रेसने (Congress) चरणजीत सिंह चन्नी यांच्याकडे पंजाबची कमान सोपवली होती. चन्नी पंजाबमधील चमकौर साहिब (Chamkaur Sahib) विधानसभा मतदारसंघातून आमदार आहेत. विशेष म्हणजे ते राज्याचे पहिले दलित शीख मुख्यमंत्री आहेत. पंजाबचे नवे मुख्यमंत्री बनलेले चरणजित सिंग चन्नी यांचा हा व्हिडिओ ट्विटरवर प्रचंड व्हायरल होत आहे. ट्विटर वापरकर्ते या व्हिडिओवर मजेदार प्रतिक्रिया देत आहेत. एका वापरकर्त्याने असे लिहिले की, "ऐश करने दो कुछ महीनों के लिए बनाया गया है". तर तिथे आणखी एकाने "और करेगा भी क्या" लिहिले आहे.

58 वर्षीय चरणजीत सिंह चन्नी यांनी सोमवारी पंजाबच्या मुख्यमंत्रीपदाची शपथ घेतली असून पदभार स्वीकारण्याबरोबरच त्यांनी छोट्या घरांसाठी मोफत पाणीपुरवठा, वीज बिलांमध्ये कपात आणि सर्वसामान्यांना पारदर्शक पारदर्शकता दिली आहे. सरकारने अनेक आश्वासने दिली आहेत. 30 टक्के दलित लोकसंख्या असलेल्या पंजाबमध्ये मुख्यमंत्री बनणारे चन्नी दलित समाजातील पहिले व्यक्तीच आहेत.