Vaibhav Sooryavanshi: रोहित, विराट, गावस्कर सोडा...'या' खेळाडूकडून मिळते वैभव सूर्यवंशीला जिद्द, चिकाटी आणि प्रेरणा; स्वतःच केला खुलासा

Vaibhav Sooryavanshi Big Statement: भारताच्या १९ वर्षांखालील संघातील युवा फलंदाज वैभव सूर्यवंशी याने शनिवारी इंग्लंडविरुद्धच्या चौथ्या युवा एकदिवसीय सामन्यात केवळ ७८ चेंडूत १४३ धावांची तुफानी खेळी केली.
Vaibhav Sooryavanshi
Vaibhav SooryavanshiDainik Gomantak
Published on
Updated on

भारताच्या १९ वर्षांखालील संघातील युवा फलंदाज वैभव सूर्यवंशी याने शनिवारी इंग्लंडविरुद्धच्या चौथ्या युवा एकदिवसीय सामन्यात केवळ ७८ चेंडूत १४३ धावांची तुफानी खेळी करत विक्रमी शतक झळकावले. या शानदार कामगिरीसह तो युवा एकदिवसीय सामन्यांमध्ये शतक झळकावणारा सर्वात तरुण भारतीय फलंदाज ठरला आहे.

सामन्यानंतर बीसीसीआयच्या अधिकृत 'एक्स' (पूर्वीचा ट्विटर) अकाउंटवर पोस्ट करण्यात आलेल्या व्हिडिओमध्ये बोलताना सूर्यवंशीने आपल्या खेळीमागील प्रेरणा स्पष्ट केली. तो म्हणाला, शुभमन गिलकडून मला खूप प्रेरणा मिळाली. त्याचा खेळ मी पाहिला आणि लक्षात आलं की १०० किंवा २०० धावा केल्यानंतरही तो कोणत्याही दबावाशिवाय सहजतेने खेळतो. त्याची ती शांतता आणि आत्मविश्वास मला भावला."

Vaibhav Sooryavanshi
Criminals In Goa: पोलिसांवर हल्ला, अनेकदा फरार! दिल्लीतील ‘गोगी टोळी’च्या गुंडास गोव्यात अटक; गुन्हेगारांसाठी बनतेय ‘आश्रयस्थान’?

दरम्यान, भारताचा कसोटी क्रिकेट संघाचा कर्णधार शुभमन गिल याने बर्मिंगहॅममध्ये पार पडलेल्या दुसऱ्या कसोटी सामन्यात दोन्ही डावांत शतक झळकावले होते. त्याने पहिल्या डावात २६९ तर दुसऱ्या डावात १६१ धावांची अफलातून खेळी साकारली होती. त्याचवेळी भारताचा १९ वर्षांखालील संघ एजबॅस्टनमध्ये होता, जिथे सूर्यवंशी आपली विक्रमी खेळी करत होता.

आगामी सामन्यांविषयी बोलताना सूर्यवंशी म्हणाला, "पुढच्या वेळी ५० षटकं पूर्ण खेळण्याचा आणि २०० धावा करण्याचा प्रयत्न करेन. मी जितका जास्त खेळू शकेन, तितकं माझ्या संघाला फायदा होईल."

विशेष म्हणजे, सूर्यवंशीला त्याच्या विक्रमाची कल्पना ड्रेसिंग रूममध्ये परतल्यानंतरच झाली. "मला माहित नव्हतं की १०० धावा केल्यानंतर मी रेकॉर्ड केला आहे. आमचे संघ व्यवस्थापक अंकित सर यांनीच मला सांगितलं आणि सर्वांनी अभिनंदन केलं," असंही त्यानं पुढे सांगितलं. भारताच्या युवा संघातील या कामगिरीमुळे सूर्यवंशीकडून भविष्यातील सामन्यांमध्ये मोठ्या आशा बाळगल्या जात आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com