Project Tiger: केंद्र सरकारच्या अर्थमंत्रालयाने टायगर कॉईन काढण्याचा निर्णय घेतला आहे. हे टायगर कॉइन 50 रुपयांचे नाणे असणार आहे.
टायगर कॉईन काढण्याचा निर्णय घेण्याचे कारण म्हणजे प्रोजेक्ट टायगरला अर्थात व्याघ्र प्रकल्पाला 50 वर्षे पूर्ण झाले आहेत.
तत्कालीन पंतप्रधान इंदिरा गांधीच्या राजवटीत हा प्रकल्प सुरु करण्यात आला होता. वाघांचे संवर्धन करण्यासाठी हा प्रकल्प करण्यात आला होता. 1 एप्रिल 1973 ला हा प्रकल्पाची सुरुवात करण्यात आली होती. उत्तरखंडच्या जिम कोरबेट नॅशनल पार्क मध्ये पहिल्या व्याघ्रप्रकल्पाची सुरुवात केली होती.
वन्यजीवांच्या संरक्षणासाठी टाकलेले हे पाऊल भारता( India )च्या वन्यजीवांच्या संख्येत वाढ करण्याच्या दृष्टीने महत्वाचे पाऊल ठरले आहे. प्रोजेक्ट टायगर ला अपेक्षित यश मिळाल्यानंतर प्रोजेक्ट इलेफंट, प्रोजेक्ट रायनोसोर असे प्रकल्प सुरुवात केली आहे.
2023 ला या प्रकल्पाला 50 वर्षे पूर्ण झाली आहेत. हा रौप्यमहोत्सव साजरा करण्यासाठी केंद्र सरकारच्या अर्थमंत्रालयाने स्मारक नाणे काढण्याचा निर्णय घेतला आहे.
कसे असेल हे नाणे?
हे नाणे चार धातूंचे मिळून बनणार आहे. चार धातूंमध्ये चांदीचा वाटा 50 टक्के, तांबे 40 टक्के, निकेल 5 टक्के आणि जस्त 5 टक्के असेल. दातेरी कडांची संख्या 200 इतकी असून नाण्याचे वजन 35 ग्रॅम असणार आहे.
या नाण्यावर ‘सत्यमेव जयते’ असे कोरलेले असेल. नाण्याच्या डावीकडे देवनागरी लिपीतील ‘भारत’ हा शब्द लिहलेला असेल तर उजवीकडे इंग्रजीत ‘इंडिया’ हा शब्द कोरला जाणार आहे. सिंह स्तंभाखाली ₹50 असे कोरले जाणार असल्याची माहिती अर्थमंत्रालयाने दिली आहे.
नाण्याच्या विरुद्ध बाजूच्या मध्यभागी वाघाचे चित्र असेल. चित्रासमोरील नाण्याच्या उजव्या बाजूला 1973-2023 असे कोरलेले असेल. नाण्यावर हिंदी आणि इंग्रजीमध्ये मध्ये 50 वर्षांचे प्रोजेक्ट टायगर’ असे कोरलेले असेल असेही अर्थमंत्रालयाने म्हटले आहे.
दरम्यान, सध्या देशात 53 व्याघ्र प्रकल्प असून वाघांची संख्या सुमारे 2500 आहे. याबरोबरच महाराष्ट्रात 5 व्याघ्र प्रकल्प आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
