राज्याचे अन्न, नागरी पुरवठा आणि ग्राहक व्यवहार मंत्री लाल चंद कटारुचक म्हणाले की, पंजाबमधील गव्हाचा दर्जा खराब न करता तपासण्यासाठी ते सँड्रो बानल, फिलिपो जुनिनो, स्टेफनी हर्ड, अमित वढेरा आणि श्रुती यांचा समावेश असलेल्या 5 सदस्यीय टीमने अमृतसरला भेट दिली. दीर्घकालीन काळासाठी साठा कसा उपलब्द ठेवायचा याचे थेट मूल्यांकन यावेळी करण्यात आले.
अफगाणिस्तानला गव्हाची खरेदी, चाचणी आणि वाहतुकीची प्रक्रिया समजून घेण्यासाठी यूएन वर्ल्ड फूड प्रोग्राम शिष्टमंडळाने अमृतसरला भेट दिली, आतापर्यंत 10,000 टन गहू निर्यात करण्यात आला आहे. आम्ही या प्रक्रियेचे साक्षीदार होण्यासाठी येथे आलेलो आहोत, असे डॉ स्टेफनी हर्ड, नुकसान प्रतिबंधक अधिकारी WFP यांनी सांगितले. यावेळी राज्य सरकार आणि एफसीआयचे वरिष्ठ अधिकारी या टीमसोबत चर्चा करत आहेत.
भारत सरकारने अफगाणिस्तानातील लोकांसाठी घेतलेला पुढाकार पाहण्यासाठी आम्ही येथे आलो आहोत. भारताने अफगाणिस्तानात गहू पाठवणं हे खरच प्रशसंक आहे. तसेच, जागतिक स्तरावर गव्हाच्या वाढत्या गरजेमुळे सरकारसोबत आमची भागीदारी वाढवणे हे आमचे हित आहे, असे कमोडिटी स्पेशालिस्ट सँड्रो बानाओ म्हणाले.
अन्नधान्य जतन करण्यासाठी डब्ल्यूएफपीने राज्याला दिलेली मान्यता ही अभिमानाची बाब असल्याचे सांगून मंत्री म्हणाले की, पंजाब हा देशाचा अन्नदाता आहे आणि आता पंजाबमध्ये उत्पादित होणारे अन्नधान्य परदेशात लोकांना पाठवले जाऊ शकते. पाश्चात्य देश आता अन्न संरक्षणाच्या तंत्राचा अभ्यास करण्यासाठी भारताकडे पाहत आहेत हे देखील कौतुकास्पद आहे आणि या संदर्भात पंजाब सरकारने केलेली प्रगती कौतुकास्पद आहे.
परराष्ट्र मंत्रालयाने 27 एप्रिल रोजी भारत सरकारच्या अन्न आणि सार्वजनिक वितरण विभागाला केलेल्या एका वेगळ्या संप्रेषणात असे म्हटले आहे की, मानवतावादी मदत म्हणून भारताने अफगाणिस्तानला दिलेल्या 10,000 मेट्रिक टन गव्हाच्या गुणवत्तेवर WFP अत्यंत समाधानी आहे. एवढ्या प्रमाणात गहू पंजाबमधून अफगाणिस्तानात नेण्यात आला. वाहतूक केलेला गहू अमृतसरजवळ 50,000 मेट्रिक टन क्षमतेच्या पँग्रेन स्टील सायलोमध्ये ठेवण्यात आला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
