Karnataka Accident: कर्नाटकात गणपती विसर्जन मिरवणुकीत घुसला ट्रक; 9 जणांचा चिरडून मृत्यू, 20 जखमी

कर्नाटक: गणपती विसर्जन मुरवणुकीत ट्रक घुसून नऊ जणांचा मृत्यू झाल्याची घटना हासन जिल्ह्यात घडली आहे. या अपघातात २० जण गंभीर जखमी झाल्यची देखील माहिती समोर आली आहे. शुक्रवारी (१२ सप्टेंबर) रात्री नऊच्या सुमारास गणपती विसर्जन मुरवणूक निघाली असता ही घटना घडली.

मिळालेल्या माहितीनुसार, हासन जिल्ह्यातील एका गावातून गणपती विसर्जन मिरवणूक निघाली होती. यावेळी भरधाव वेगाने आलेला ट्रक गर्दीत घुसला, यात नऊ जणांचा चिरडून मृत्यू झाला आहे. तर, २० जण गंभीर जखमी झाले आहेत. जीव गमावलेल्या व्यक्तीच्या कुटुंबीयांना ५ लाख रुपये मदत मुख्यमंत्री सिद्धरामय्या यांनी जाहीर केली आहे.

शुक्रवारी रात्री पावणे नऊच्या सुमारास ही घटना घडली. गणेश विसर्जनासाठी मोसळेहोसळी गावातून मिरवणूक निघाली होती. यात मोठ्या संख्येने गणेशभक्त सहभागी झाले होते. दरम्यान, यावेळी आलेला भरधाव ट्रक मिरवणुकीत घुसला यात नऊ जणांचा मृत्यू झाला. मृतांमध्ये तरुणांचा समावेश आहे. जखमींना उपचारासाठी रुग्णालयात दाखल करण्यात आले आहे. काहींची प्रकृती गंभीर असल्याची माहिती समोर आली आहे.

हसन जिल्ह्यातील या अपघाताचा भीषण व्हिडिओ समाज माध्यमावर शेअर करण्यात आला आहे. "रस्त्याच्या एका बाजुने गणपती विसर्जनाची मिरवणूक निघाल्याचे दिसत आहे. तर, त्याचवेळी रस्त्याच्या दुसऱ्या दिशेने ट्रक भरधाव वेगाने येत दुचाकीला धडक देतो. त्यानंतर ट्रक गर्दीत घुसतो," असे या व्हिडिओत दिसत आहे.

कर्नाटकचे मुख्यमंत्री सिद्धरामय्या यांना या अपघाताबाबत शोक व्यक्त केला आहे. अपघातातील मृतांच्या कुटुंबीयांना मुख्यमंत्र्यांनी पाच लाख रुपयांची आर्थिक मदत जाहीर केली आहे. तसेच, जखमींवर उपचाराचा खर्च देखील सरकार करेल, अशी माहिती त्यांनी दिली आहे.