महागड्या बाटलीत स्वस्त दारू; फरिदाबादच्या सर्वात मोठ्या मद्यविक्रेत्याला गोव्यात अटक

गुन्हे शाखेच्या पथकाने आरोपीला गुरुवारी रात्री गोव्यात अटक केली.
Faridabad Goa Crime News
Faridabad Goa Crime NewsDainik Gomantak

Faridabad Goa Crime News: फरिदाबादच्या सर्वात मोठ्या मद्यविक्रेत्याला गोव्यातून अटक करण्यात आली आहे. गुन्हे शाखा आज आरोपींना गोवा न्यायालयात हजर करणार असून त्यांचा ट्रान्झिट रिमांड मागणार आहेत.

महागड्या ब्रँडच्या बाटल्यांमध्ये स्वस्त दारू भरून विकल्याच्या आरोपावरून पोलिसांनी मद्यविक्रेत्याला अटक केली आहे. गुन्हे शाखेच्या पथकाने आरोपीला गुरुवारी रात्री गोव्यात अटक केली.

सरदार मनिंदर सिंग (फरीदाबाद) असे पोलिसांनी अटक केलेल्या मद्यविक्रेत्याचे नाव आहे.

मिळालेल्या माहितीनुसार, गुन्हे शाखेने गेल्या महिन्यात एनआयटी 2 मधून महागड्या ब्रँडच्या बाटल्यांमध्ये स्वस्त दारू विकल्याप्रकरणी 2 जणांना अटक केली. चौकशी केल्यानंतर त्यांनी शहरातील आठ ठेक्यांवर दारू विक्री केल्याचे माहिती दिली. पोलिसांनी संबधित ठेक्यांवर छापा टाकत दारू जप्त केला. दरम्यान, तपासात हे सर्व कंत्राट सरदार मनिंदर सिंग यांचे असल्याचे महत्वाची माहिती पोलिसांनी मिळाली.

Faridabad Goa Crime News
Dabolim Airport: गोव्यातील दाबोळी विमानतळ झाले अत्याअधुनिक, अशी सुविधा वापरणारे आशिया खंडातील ठरले पहिलेच विमानतळ

फरीदाबाद पोलिसांनी कारवाईचा धडका लावत महागड्या ब्रँडच्या बाटल्या पुरवणाऱ्या दिल्लीतील एका भंगार व्यापाऱ्यालाही अटक केली. तसेच, महागड्या ब्रँडच्या बाटल्यांची झाकणं विकणाऱ्या मुंबईतील एकाला देखील गुन्हे शाखेने अटक केली.

दरम्यान, सरदार मनिंदर सिंग यांचे नाव पुढे आल्यानंतर गुन्हे शाखेचे पथक गोव्याला रवाना झाले. पथकाने गुरुवारी रात्री मनिंदर सिंग गोव्यातून अटक केली.

मनिंदर सिंग यांच्यावर यापूर्वीही अनेक आरोप करण्यात आले असून, त्याच्यावर दिल्लीतही फसवणुकीचा गुन्हा दाखल आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com