Mahua Moitra and Leena Manimekalai
Mahua Moitra and Leena ManimekalaiDainik Gomantak

'माझ्यासाठी माॅं काली ही मांसाहार करणारी, मद्य पिणारी देवी...': महुआ मोइत्रा

दिग्दर्शिका लीना मनिमेकलाई यांच्या 'काली' या माहितीपटाच्या पोस्टरवरून वादाला तोंड फुटले आहे.

दिग्दर्शिका लीना मनिमेकलाई (Leena Manimekalai) यांच्या 'काली' (Kaali) या माहितीपटाच्या पोस्टरवरून वादाला तोंड फुटले आहे. पोस्टरमध्ये एक अभिनेत्री माँ काली अवतारात सिगारेट ओढताना आणि दुसऱ्या हातात त्रिशूल धरताना दाखवण्यात आली आहे, त्यामुळे लीनावर सर्वत्र टीका होत आहे. राजकारण्यांपासून ते चित्रपटसृष्टीतील लोक या प्रकरणावर आपापल्या प्रतिक्रिया देत आहेत.

त्याचवेळी, आता अखिल भारतीय तृणमूल काँग्रेसच्या खासदार महुआ मोइत्रा (Mahua Moitra) यांचे 'काली' या माहितीपटाच्या आक्षेपार्ह पोस्टरवरून वक्तव्य समोर आले आहे. खासदार महुआ मोईत्रा म्हणाल्या, "माझ्यासाठी मा काली ही मांसाहार करणारी, मद्य पिणारी देवी आहे. तुम्हाला तुमच्या स्वतःच्या देवीची कल्पना करण्याचे स्वातंत्र्य आहे. काही ठिकाणी देवतांना व्हिस्की अर्पण केली जाते, तर काही ठिकाणी निंदा केली जाते."

Mahua Moitra and Leena Manimekalai
'ताजमहाल बांधला नसता तर...', वाढत्या महागाईवरुन ओवेसींचा केंद्र सरकारला टोला

हिंदू देव-देवतांचे अपमानास्पद चित्रण

'काली' या माहितीपटाच्या पोस्टरमुळे देशभरात खळबळ उडाली असताना दोन ठिकाणी लीना यांच्यावर एफआयआर नोंदवण्यात आलेली आहे. सोशल मीडियावर लोक निर्मात्यांना अटक करण्याची मागणी करत आहेत. त्याचवेळी दिल्ली आणि उत्तर प्रदेश पोलिसांनी या प्रकरणी एफआयआर नोंदवला आहे. यूपी पोलिसांनी 'काली' चित्रपटाची निर्माती लीना मणिमेकलाई यांच्या विरोधात हिंदू देव-देवतांचे अपमानास्पद चित्रण केल्याबद्दल, गुन्हेगारी कट, पूजास्थळी गुन्हेगारी, हेतुपुरस्सर शांतता भंग केल्याच्या दुखावण्याच्या आरोपाखाली एफआयआर नोंदवला आहे. त्याच वेळी, दिल्ली पोलिसांच्या IFSO युनिटने काली चित्रपटाशी संबंधित एका वादग्रस्त पोस्टरच्या संदर्भात आयपीसीच्या कलम 153A आणि 295A अंतर्गत एफआयआर नोंदवला आहे.

Mahua Moitra and Leena Manimekalai
Kaali Poster: देवी कालीचा अपमान केल्या प्रकरणी निर्माती लीना मणिमेकलाईवर गुन्हा दाखल

निर्मात्यांचे स्पष्टीकरण

लीना यांनी ट्विटर पोस्टमध्ये लिहिले आहे की, "माझ्याकडे गमावण्यासारखे काहीही नाही. जोपर्यंत मी जिवंत आहे, तोपर्यंत मला निर्भयपणे बोलणारा आवाज बनायचे आहे. जर त्यासाठी माझ्या जीवाची किंमत मोजावी लागली तर मी ती मोजायला तयार आहे." जेव्हा वाद आणखी तिव्र वाढू लागला तेव्हा लीनाने तमिळमध्ये एक पोस्ट शेअर केली. "या चित्रपटात दाखवण्यात आले आहे की एका संध्याकाळी काली टोरंटोच्या रस्त्यावर फिरतांना दिसते . तुम्ही हा चित्रपट पाहिला तर तुम्ही मला अटक करण्याच्या मागणीऐवजी, माझ्यावर प्रेम करायला लागणार," असे ट्विट लीना यांनी तमिळमध्ये केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com