Nupur Sharma: अमेरिकेत सलमान रश्दी यांच्यावर झालेल्या हल्ल्यानंतर भारतातील गुप्तचर यंत्रणा नुपूर शर्मांच्या सुरक्षेबाबत अधिक सतर्क झाल्या आहेत. नुपूर शर्मा पुन्हा एकदा दहशतवाद्यांच्या निशाण्यावर आल्या आहेत. भारतीय उपखंडातील स्थित अल कायदा (AQIS) ने जूनमध्ये त्यांच्या एका प्रवक्त्यामार्फत निवेदन जारी केले होते. ज्यामध्ये नुपूर यांनी मोहम्मद पैंगबर यांच्यावर केलेल्या वक्तव्याचा बदला घेण्याबाबत चेतावणी दिली होती.
AQIS ने प्रश्न विचारला
भारतीय उपखंडात स्थित असलेल्या अल कायदाच्या प्रवक्त्याने नुपूर शर्मांच्या (Nupur Sharma) पैगंबरांवरील वक्तव्याचा बदला घेण्यासाठी याआगोदरच चेतावणी दिली आहे. एवढेच नाही तर प्रेषित मोहम्मद यांच्या सन्मानाचे रक्षण करु शकलो नाही तर आमचा नाश होईल, असेही त्यांनी म्हटले आहे. हा व्हिडिओ उत्तर प्रदेशातील (Uttar Pradesh) संभल जिल्ह्यातील AQIS प्रमुख असीम उमर यांनी पोस्ट केला होता. यात त्यांनी विचारले की, मोहम्मद पैंगबर यांच्या सन्मानासाठी आपला प्राण देऊ शकेल असा कोणी आहे का?
नुपूर प्रचंड सुरक्षेत आहेत
सध्या नुपूर शर्मांना अज्ञात ठिकाणी पोलीस (Police) कोठडीत ठेवण्यात आले आहे. याशिवाय वाढता धोका पाहता एजन्सींनीही सुरक्षा वाढवण्यास सुरुवात केली आहे. विशेष म्हणजे, नुपूर शर्मा यांच्या समर्थनार्थ पोस्ट केल्याबद्दल उदयपूर आणि अमरावतीमध्ये (Amravati) यापूर्वीच दोन जणांची हत्या झाली आहे. उदयपूर येथील टेलर कन्हैयालाल यांच्या दुकानात घुसून त्यांचा गळा चिरला होता. त्याचवेळी अमरावतीमध्ये केमिस्ट उमेश कोल्हे यांनाही जीवे मारण्यात आले. दोघांनी सोशल मीडियावर नुपूर शर्मांच्या समर्थनार्थ पोस्ट केली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
