Girl Dancing On Buffalo Viral Video: आजच्या काळात अनेक तरुणांना सोशल मीडियावर रील बनवून प्रसिद्ध व्हायचे आहे. रीलच्या माध्यमातून प्रसिद्धी मिळवण्याची ही इच्छा काही चुकीची नाही, पण जेव्हा लोक त्यासाठी अतरंगी आणि धोकादायक कृत्ये करतात, तेव्हा मात्र आश्चर्य वाटल्याशिवाय राहत नाही. असे व्हिडिओ दररोज सोशल मीडियावर दिसत आहेत. असाच एक व्हिडिओ सध्या खूप व्हायरल होत आहे, जो पाहून तुम्हीही डोक्याला हात लावाल.
सध्या व्हायरल होत असलेल्या व्हिडिओमध्ये एक तरुणी भोजपुरी गाण्यावर डान्स करत रील बनवत आहे, पण ती तिचा डान्स खोलीत किंवा सामान्य ठिकाणी करत नाहीये. ही तरुणी एका म्हशीच्या पाठीवर चढली आहे आणि तिथे उभी राहून ती गाण्यावर डान्स करत व्हिडिओ रेकॉर्ड करत आहे. तिच्या घरचे इतर लोकही तिथे उभे असल्याचे दिसत आहेत, कदाचित ती पडल्यास तिला वाचवण्यासाठी किंवा म्हशीला घाबरु नये म्हणून ते तिथे उभे असतील. पण फक्त रीलसाठी अशाप्रकारे एखाद्या प्राण्याला त्रास देणे कितपत योग्य आहे, असा प्रश्न हा व्हिडिओ पाहून अनेकांना पडत आहे.
हा व्हिडिओ एक्स (X) प्लॅटफॉर्मवर @ChapraZila नावाच्या अकाउंटवरुन पोस्ट करण्यात आला आहे. व्हिडिओच्या कॅप्शनमध्ये लिहिले की, “स्वतःला प्रसिद्ध करण्यासाठी कुणाला त्रास देऊ नका.” बातमी लिहिपर्यंत हा व्हिडिओ 4 हजारांहून अधिक लोकांनी पाहिला आहे. व्हिडिओ पाहिल्यानंतर यूजर्संनी अनेक मजेशीर प्रतिक्रिया दिल्या. एका युजरने लिहिले की, “म्हशीच्या पाठीवर नागिन.” तर दुसऱ्याने युजरने लिहिले की, “या बाईमुळे म्हशीची कंबर तुटेल.” काही युजर्संनी यावर हसण्याचे इमोजी पोस्ट करत प्रतिक्रिया दिल्या. प्रसिद्ध होण्याच्या या ध्यासापोटी अनेक जण असे धोकादायक मार्ग निवडताना दिसत आहेत, जे इतरांसाठी आणि प्राण्यांसाठीही धोकादायक ठरु शकतात.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.