पंजाबमधील मोहालीमध्ये सोमवारी रात्री एक मोठी घटना घडली आहे. मोहालीतील पंजाब पोलिसांच्या (Punjab Police) गुप्तचर विभागाच्या इमारतीत मोठा स्फोट (Blast in Mohali) झाला. रॉकेटसदृश वस्तू पडल्यानंतर ही घटना घडल्याचे बोलले जात आहे. त्यानंतर एकच खळबळ उडाली. सध्या या घटनेत कोणतीही जीवितहानी झाली नसल्याचे सांगण्यात येत आहे. आजूबाजूच्या इमारतींनाही याचा फटका बसल्याचे मीडिया रिपोर्ट्समध्ये सांगण्यात येत आहे. त्याचबरोबर गुप्तचर विभागाची ही इमारत सुहाना साहिब गुरुद्वाराजवळ आहे.
दरम्यान, इमारतीला लक्ष्य करुन हल्ला करण्यात आला आहे. स्फोटानंतर इमारतीभोवती मोठ्या प्रमाणात पोलीस बंदोबस्त तैनात करण्यात आला आहे. संपूर्ण परिसरात पोलीस (Police) बंदोबस्त तैनात करण्यात आला आहे.
मिळालेल्या माहितीनुसार, संध्याकाळी साडेसातच्या सुमारास रॉकेट लाँचरने हल्ला करण्यात आला. त्यानंतर संपूर्ण परिसर सील करण्यात आला आहे. हे रॉकेट प्रोपेल्ड ग्रेनेड आहे. पंजाब (Punjab) पोलिसांच्या गुप्तचर विभागाच्या इमारतीच्या तिसऱ्या मजल्यावर ते फेकण्यात आले. आता मुख्यालयाबाहेर कडेकोट बंदोबस्त ठेवण्यात आला आहे.
याशिवाय, समोर आलेल्या फोटोनुसार स्फोटके तिसऱ्या मजल्यावर पडल्यानंतर खिडक्यांच्या काचा फुटल्या होत्या. गुप्तचर विभागाच्या मुख्यालयावर असा हल्ला देखील मोठ्या गुप्तचर त्रुटीकडे लक्ष वेधतो.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
