The government plans to install roof top solar panels in one crore houses in the country through the Pradhan Mantri Suryodaya Yojana:
देशवासियांसाठी 22 जानेवारी हा दिवस खूप खास होता, कारण याच दिवशी भगवान राम भव्य राम मंदिरात विराजमान झाले आहेत. यावेळी खुद्द पंतप्रधान नरेंद्र मोदींसह अनेक बड्या हस्ती राम मंदिराच्या उद्घाटन सोहळ्याला उपस्थित होत्या. त्याचवेळी, अयोध्येहून परतल्यानंतर पंतप्रधान नरेंद्र मोदींनी एक नवीन योजना सुरू केली आहे, त्याबद्दल आपण अधिक जाणून घेऊया.
अयोध्येहून परतल्यानंतर पंतप्रधान नरेंद्र मोदी यांनी एक मोठा निर्णय घेतला असून त्यामध्ये प्रधानमंत्री सूर्योदय योजना सुरू करण्यात आली आहे. या योजनेशी मोठ्या प्रमाणात लोकांना जोडण्याचे नियोजन आहे.
प्रधानमंत्री सूर्योदय योजना ही केंद्र सरकारची योजना आहे. यामध्ये घरांवर रुफ टॉप सोलर पॅनल बसवण्यासाठी सरकारकडून नागरिकांना प्रोत्साहन दिले जाईल. देशातील एक कोटी घरांमध्ये रुफ टॉप सोलर पॅनेल बसवण्याची सरकारची योजना आहे.
याबाबत पीएम मोदींनी सोशल मीडियावर एक पोस्ट केली होती, ज्यामध्ये असे म्हटले होते की, जगातील सर्व भक्तांना सूर्यवंशी भगवान श्री रामाच्या प्रकाशातून नेहमीच ऊर्जा मिळते. अयोध्येतील प्राणप्रतिष्ठेच्या शुभमुहूर्तावर भारतीयांच्या घरावर स्वतःची सोलर रूफ टॉप सिस्टीम असावी या संकल्पाला आणखी बळ मिळाले. अयोध्येतून परतल्यानंतर मी पहिला निर्णय घेतला आहे की, आमचे सरकार "प्रधानमंत्री सूर्योदय योजना" सुरू करणार आहे. १ कोटी घरांवर रुफटॉप सोलर बसवणार. यामुळे गरीब आणि मध्यमवर्गीयांचे वीज बिल तर कमी होईलच, पण ऊर्जा क्षेत्रात भारत स्वावलंबी होईल.
पीएम मोदींनी केलेल्या पोस्टमध्ये असे म्हटले होते की, या योजनेचा लाभ गरीब आणि मध्यमवर्गीय कुटुंबांना मिळेल, ज्याच्या मदतीने ते त्यांचे वीज बिल कमी करू शकतील.
याआधीही सरकारने घरांवर सोलर रुफ टॉप बसवण्याची योजना सुरू केली होती. 2022 पर्यंत 40 गिगावॅट सौरऊर्जा क्षमता गाठण्याचे त्याचे लक्ष्य होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.