Bilkis Bano Case: दोषींच्या सुटकेविरोधात SC मध्ये याचिका, लवकरच स्थापन होणार विशेष खंडपीठ

Supreme Court: सरन्यायाधीश डी.वाय. न्यायमूर्ती चद्रचूड यांच्या अध्यक्षतेखालील खंडपीठाने बिल्किसच्या वकील शोभा गुप्ता यांच्या याचिकेवर सुनावणी करण्यास सहमती दर्शवली.
Bilkis Bano
Bilkis BanoDainik Gomantak

Supreme Court: सर्वोच्च न्यायालयाने बिल्किस बानो प्रकरणाच्या सुनावणीसाठी नवीन खंडपीठ स्थापन करण्याचे निर्देश दिले आहेत. मंगळवारी बिल्किस बानोच्या याचिकेवर सुनावणी करताना न्यायालयाने याचिकाकर्त्याला सांगितले की, यासाठी लवकरच विशेष खंडपीठ स्थापन करण्यात येईल.

सरन्यायाधीश डी.वाय. चंद्रचूड यांच्या अध्यक्षतेखालील खंडपीठाने बिल्किसच्या याचिकेवर सुनावणी करण्यास सहमती दर्शवली.

दरम्यान, वकील शोभा गुप्ता यांनी या प्रकरणावर तात्काळ सुनावणी घेण्याची विनंती केली होती. बिल्किस बानो प्रकरणातील 11 दोषींच्या मुदतपूर्व सुटकेविरोधात दाखल केलेल्या याचिकेवर सर्वोच्च न्यायालयाने (Supreme Court) याचिकाकर्त्याला आश्वस्त केले की, आम्ही हे प्रकरण लवकरच सूचिबद्ध करेन.

Bilkis Bano
Bilkis Bano Case: दोषींच्या माफीला आव्हान देणाऱ्या नव्या याचिकेवर सुप्रीम कोर्ट घेणार सुनावणी

11 दोषींची सुटका करण्यात आली

बिल्किस बानोने 11 दोषींची निर्दोष मुक्तता किंवा मुदतपूर्व सुटकेला आव्हान देणारी रिट याचिका सर्वोच्च न्यायालयात दाखल केली होती. 15 ऑगस्ट रोजी गुजरात सरकारने जन्मठेपेची शिक्षा भोगत असलेल्या 11 दोषींची सुटका केली होती. दुसरीकडे, 2008 मध्ये शिक्षेच्या वेळी गुजरातमध्ये (Gujarat) प्रचलित असलेल्या माफी धोरणानुसार सरकारने सर्व 11 दोषींची सुटका केली.

बिल्किसवर दंगलीदरम्यान सामूहिक बलात्काराचा आरोप

2002 च्या गुजरात दंगलीत बिल्किस बानोवर कथितरित्या सामूहिक बलात्कार करण्यात आला. त्यानंतर तिला मरण्यासाठी सोडण्यात आले. वडोदरा येथे दंगलखोरांनी तिच्या कुटुंबावर हल्ला केला, तेव्हा बिल्किस बानो ही पाच महिन्यांची गर्भवती होती.

Bilkis Bano
Bilkis Bano Case: आरोपींच्या मुक्ततेवरून सुप्रीम कोर्टाने गुजरात सरकारला फटकारले

दुसरीकडे, सर्वोच्च न्यायालयाने 13 डिसेंबर रोजी बिल्किसची पुनर्विलोकन याचिका फेटाळून लावली होती. सर्वोच्च न्यायालयाने याचिका फेटाळताना म्हटले होते की, 'आमच्या मते, 13 मे 2022 रोजी दिलेल्या निकालात कोणतीही त्रुटी दिसत नाही, ज्यामुळे पुनरावलोकन केले जाऊ शकते.'

Bilkis Bano
Bilkis Bano: बलात्काऱ्यांना 'संस्कारी' म्हणणाऱ्या नेत्याला भाजपनं दिलं तिकीट

15 ऑगस्ट रोजी दोषींची सुटका करण्यात आली होती

गुजरात सरकारने 15 ऑगस्ट रोजी 11 दोषींची शिक्षा माफ करुन त्यांची सुटका केली. 15 ऑगस्ट 2022 रोजी कैद्यांची सुटका झाल्यानंतर वाद निर्माण झाला होता. गोध्रा दंगलीनंतर बिल्किस बानोवर झालेल्या सामूहिक बलात्कार प्रकरणात आरोपी जन्मठेपेची शिक्षा भोगत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com