Gujarat Assembly Elections: गुजरात विधानसभा निवडणुकीत भाजपने अशा नेत्याला उमेदवारी दिली, ज्याने अलीकडेच बिल्किस बानोच्या बलात्काऱ्यांना 'संस्कारी ब्राह्मण' असे संबोधले होते. गुजरातचे माजी मंत्री चंद्रसिंह राऊलजी यांना भाजपने गोध्रा मतदारसंघातून उमेदवारी दिली आहे. चंद्रसिंग हे सहा वेळा आमदार राहिले आहेत. 2002 च्या गुजरात दंगलीत बिल्किस बानोवर बलात्कार केल्याप्रकरणी आणि तिच्या तीन वर्षाच्या मुलीसह कुटुंबातील नऊ सदस्यांची हत्या केल्याप्रकरणी दोषी ठरलेल्या 11 जणांची एकमताने सुटका करण्याचा निर्णय घेतलेल्या गुजरात सरकारच्या समितीचा ते एक भाग होते.
नुकतेच, मोझ स्टोरीच्या एका रिपोर्टरशी बोलताना चंद्रसिंग यांनी वादग्रस्त वक्तव्य करुन निर्णयाचा बचाव केला होता. सोशल मीडियावर व्हायरल झालेल्या एका व्हिडीओमध्ये ते म्हणाले होते की, "ते एक ब्राह्मण होते आणि ब्राह्मण चांगल्या शिष्टाचारासाठी म्हणून ओळखले जातात. कदाचित त्यांना शिक्षा करण्याचा कोणाचा तरी चुकीचा हेतू असावा. त्यांचे वर्तन चांगले होते.''
दुसरीकडे, 15 ऑगस्ट रोजी बिल्किस बानोच्या बलात्कारींची सुटका करण्यात आली. चंद्रसिंग यांच्या विधानाला अनेकांनी विरोधही केला. क्लिप शेअर करताना, तेलंगणातील (Telangana) सत्ताधारी तेलंगणा राष्ट्र समितीचे सोशल मीडिया संयोजक वाय सतीश रेड्डी म्हणाले होते की, भाजप आता बलात्काऱ्यांना 'चांगल्या संस्काराचे' म्हणत आहेत.
त्याचवेळी, जेव्हा गुजरात (Gujarat) सरकारने दोषींच्या सुटकेनंतर चांगली वागणूक आणि केंद्राच्या मंजुरीचा हवाला दिला होता. गेल्या गुजरात निवडणुकीपूर्वी, चंद्रसिंह राऊलजी यांनी ऑगस्ट 2017 मध्ये काँग्रेसमधून (Congress) भाजपमध्ये प्रवेश केला होता. 2007 आणि 2012 मध्ये ते काँग्रेसचे उमेदवार म्हणून विजयी झाले होते. भाजपमध्ये (BJP) प्रवेश केल्यानंतर त्यांनी काँग्रेस उमेदवाराचा 258 मतांनी पराभव केला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
