भटिंडा: पंजाबमधील भटिंडा येथील सार्वजनिक उद्यानातील महात्मा गांधींच्या पुतळ्याची तोडफोड करण्यात आली. ही घटना अज्ञातांनी घडवून आणल्याचे सांगण्यात येत आहे. आरोपीविरुद्ध गुन्हा दाखल करण्यात आला आहे. शुक्रवारी मध्यरात्री ही घटना घडल्याचे पोलिस सूत्रांनी सांगितले. स्थानिक नागरिकांनी या घटनेचा तीव्र निषेध केला आहे.
पोलीस स्टेशन प्रभारी हरजोत सिंग मान यांनी सांगितले की, या प्रकरणाचा तपास सुरू असून रमण मंडी पोलिस ठाण्यात गुन्हा दाखल करण्यात आला आहे. आरोपींचा शोध सुरू आहे. आरोपींना लवकरच अटक करण्यात येईल, त्यासाठी उद्यानात व परिसरात बसविण्यात आलेल्या सीसीटीव्ही कॅमेऱ्यांचे फुटेज तपासले जात आहे.
या घटनेत सहभागी असलेल्यांना तात्काळ अटक करण्याची मागणी जिल्हा शहरी काँग्रेसचे अध्यक्ष अशोककुमार सिंगला यांनी केली. काँग्रेसने सत्ताधारी आम आदमी पक्षावर निशाणा साधला आहे. पंजाबमध्ये 'आप'ची सत्ता आल्यानंतर कायदा आणि सुव्यवस्थेची स्थिती बिघडल्याचे, एवढेच नाही तर गुन्हेगारी वाढत असून आता महात्मा गांधींचा पुतळाही सोडला जात असल्याचा आरोप काँग्रेसने सत्ताधारी पक्षावर केला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
