Delhi Jahangirpuri Violence: दिल्लीच्या जहांगीरपुरीमध्ये हनुमान जयंतीच्या मिरवणुकीत गोळीबार करणाऱ्या सोनू चिकना या व्यक्तीला पोलिसांनी अटक केली आहे. विशेष म्हणजे जहांगीरपुरी हिंसाचाराशी संबंधित एक व्हिडिओ सोशल मीडियावर (Social Media) व्हायरल झाला होता, ज्यामध्ये निळा कुर्ता घातलेला एक व्यक्ती पिस्तुलाने गोळीबार करताना दिसत होता. दिल्ली (Delhi) पोलिसांकडून आता गोळीबाराचा आरोपी सोनू चिकनाला अटक करण्यात आल्याचे सांगण्यात येत आहे. हिंसाचारप्रकरणी 23 जणांना अटक करण्यात आली आहे. याशिवाय 2 अल्पवयीन मुलांनाही अटक करण्यात आली आहे.
मिळालेल्या माहितीनुसार, 17 एप्रिल रोजी सोशल मीडियावर एक व्हिडिओ व्हायरल झाला होता. ज्यामध्ये 16 एप्रिल रोजी जहांगीरपुरी भागात झालेल्या दंगलीदरम्यान एक व्यक्ती (In a blue kurta) गोळीबार करताना दिसला होता. उत्तर पश्चिम जिल्ह्याचे पोलिस पथक त्याच्या कुटुंबीयांचा शोध घेण्यासाठी आणि चौकशी करण्यासाठी सीडी पार्क रोडवरील त्याच्या घरी गेले असता, कुटुंबीयांनी दगडफेक केली. या प्रकरणी 16 एप्रिल रोजी नोंदवलेल्या एफआयआर क्रमांक 440/22 च्या तपासाअंतर्गत पोलिसांनी दुसरा आरोपी शेख हमीद ( 36 years, Ra. Jahangirpura) यालाही अटक केली आहे. हमीद हा भंगार विक्रेता आहे.
ते पुढे म्हणाले, "कोणतीही व्यक्ती दोषी आढळल्यास, वर्ग, पंथ, समुदाय आणि धर्माचा विचार न करता त्याच्यावर कारवाई केली जाईल. गुन्हे शाखा आता या प्रकरणाचा तपास करत आहे. चार फॉरेन्सिक पथकांनी आज घटनास्थळी भेट देऊन पुरावे गोळा केले आहेत. सीसीटीव्ही फुटेज आणि डिजिटल मीडियाचे विश्लेषण केले जात आहे." विशेष म्हणजे दिल्लीत हनुमान जयंतीनिमित्त काढण्यात आलेल्या मिरवणुकीदरम्यान जहांगीरपुरी भागात शनिवारी दोन समुदायांमध्ये हिंसाचार झाला.
पोलिसांनी दिलेल्या माहितीनुसार, संध्याकाळच्या हिंसाचारात दगडफेक झाली. यामध्ये काही वाहनेही जाळण्यात आली आहेत. जहांगीरपुरी हिंसाचारात पोलिसांनी दंगल, हत्येचा प्रयत्न आणि शस्त्रास्त्र कायद्यासारख्या गंभीर कलमांखाली गुन्हा दाखल केला आहे. या घटनेत काही पोलिसांसह सुमारे 9 जण जखमी झाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
