उत्तर प्रदेशात विधानसभा निवडणुकीतील तीन टप्प्यातील मतदान पार पडले आहे. याच पाश्वभूमीवर राजकीय नेते एकमेकांवर आरोप-प्रत्यारोपांच्या फैरी झाडत आहेत. यातच आता कॉंग्रेस अध्यक्षा सोनिया गांधी (Sonia Gandhi) यांनी सोमवारी काँग्रेस कार्यकर्त्यांना संबोधित केले. यामध्ये त्यांनी केंद्रातील मोदी आणि राज्यातील योगी सरकारवर जोरदार हल्लाबोल केला. (Sonia Gandhi Said That People Are Suffering Due To Inflation)
गांधी म्हणाल्या,''देशातील शेतकरी (Farmers) आणि तरुण त्रस्त आहेत. कोरोना काळात पंतप्रधान नरेंद्र मोदी आणि उत्तरप्रदेशचे मुख्यमंत्री योगी आदित्यनाथ (Yogi Adityanath) यांनी बेजबाबदारपणे कोरोना परिस्थिती हाताळली. रायबरेलीकडे योगी सरकारने पूर्णपणे दुर्लक्ष केले.''
काँग्रेसच्या अंतरिम अध्यक्षा कार्यकर्त्यांना संबोधित करताना पुढे म्हणाल्या, ''तुम्ही ५ वर्षे असे सरकार पाहिले, ज्याने ध्रुवीकरणाशिवाय कोणतेचं काम केले नाही. राज्यात 12 लाखांहून अधिक सरकारी पदे रिक्त आहेत मात्र सरकार ती पदे भरत नाही. पेट्रोल-डिझेल, एलपीजी सिलिंडर, तेलाचे भाव इतके वाढले आहेत की, गृहीणींना घर चालवणे देखील कठीण झाले आहे.''
केंद्र आणि यूपी सरकारला घेरले
कोरोना कालावधीचा संदर्भ देताना गांधी म्हणाल्या की, ''लोकांना ऑक्सिजन, बेड आणि औषधांचा तुटवडा सहन करावा लागला. त्या काळात लोकांनी आपल्या प्रियजनांना गमावले. लॉकडाऊनमुळे लोक त्रस्त झाले होते. घरापर्यंत पोहोचण्यासाठी मैलो न मैल पायपीट करावी लागली. परंतु मोदी-योगी सरकारने बेजबाबदारपणे ही परिस्थिती हाताळली.''
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
