देशातील सर्वात मोठी बँक असलेल्या स्टेट बॅंक ऑफ इंडीयाने (SBI) मान्सून ऑफर सुरू केली आहे. बँकेने या ऑफर अंतर्गत गृहकर्जाचे (Home Loan) प्रक्रिया शुल्क माफ करण्याची घोषणा केली आहे. यानुसार ग्राहकांना बँक फी मध्ये 100% सवलत मिळणार आहे. या काळात बँक गृहकर्ज घेणाऱ्या ग्राहकाकडून प्रक्रिया शुल्क आकारणार नाही. बँकेच्या गृहकर्जाचा सध्याचा दर 6.7 टक्के आहे.
एसबीआयचे एमडी सी.एस. शेट्टी म्हणाले की, बँकेने ही ऑफर सुरू करून ग्राहकांना मोठी भेट दिली आहे. बँकेला अपेक्षा आहे की, ही ऑफर सुरू झाल्यावर रियालीटी सेक्टरमधील घरे आणि फ्लॅटच्या विक्रीत वाढ होईल.
बँकेने यापूर्वी जानेवारीमध्ये कर्जावरील प्रक्रिया शुल्क माफ करण्याची ऑफर सुरू केली होती. एसबीआयच्या मते, कर्जाच्या परतफेडीचे चांगले रेकॉर्ड असलेल्या ग्राहकांना स्वस्त कर्ज देणे आवश्यक आहे. एसबीआयने आपल्या गृहकर्जाचे व्याज दर CIBILशी जोडले आहेत आणि 30 लाख रुपये आणि त्यावरील कर्जासाठी व्याज दर खूप कमी आहेत. बँकेच्या म्हणण्यानुसार, देशातील आठ शहरांमध्ये 5 कोटी रुपयांपर्यंतच्या कर्जावर व्याज दिले जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
