Rohit Shrma Viral Video: सर तुम्हाला आऊट कसं करायचं? चिमुकल्या चाहत्यांच्या 'गुगली' प्रश्नावर 'हिटमॅन'चं भन्नाट उत्तर, म्हणाला...

IPL 2025 Rohit Sharma Viral Video

गुजरात टायटन्स विरुद्धच्या एलिमिनेटर सामन्यात मुंबई इंडियन्सचा माजी कर्णधार आणि सलामीवीर रोहित शर्माने अप्रतिम फलंदाजी केली. या सामन्यात रोहितने गुजरातच्या गोलंदाजांना चांगलंच धुतलं. त्यानंतर आता रोहित क्वालिफायर २ मध्ये पंजाब किंग्ज विरुद्ध धमाकेदार खेळण्यासाठी सज्ज आहे.

क्वालिफायर २ सामन्यापूर्वी रोहित नरेंद्र मोदी स्टेडियममध्ये मुलांसोबत मजा करताना दिसला, यादरम्यान मुलांसोबतच्या त्याच्या संभाषणाचा व्हिडिओ सोशल मीडियावर व्हायरल होत आहे.

मुंबई इंडियन्स आता त्यांच्या सहाव्या आयपीएल जेतेपदावर लक्ष केंद्रित करत आहे, ज्यासाठी हार्दिक पंड्याच्या संघाला प्रथम पंजाब किंग्ज आणि नंतर आरसीबीला अंतिम फेरीत पराभूत करावे लागेल, जे इतके सोपे असणार नाही.

दरम्यान, क्वालिफायर २ च्या आधी, मुलांसोबत रोहित शर्माचा एक व्हिडिओ खूप व्हायरल होत आहे. ज्यामध्ये एका मुलाने रोहितला विचारले, "सर, तुम्हाला आऊट कंस करायचे?", तेव्हा रोहितने विनोदाने उत्तर दिले, "नाही, असे होऊ शकत नाही".

गुजरात टायटन्ससोबत खेळलेल्या एलिमिनेटर सामन्यात रोहितने शानदार फलंदाजी केली आणि ५० चेंडूत ८१ धावा केल्या. त्यामुळे मुंबई इंडियन्सने प्रथम फलंदाजी करताना २२८ धावा केल्या.

ज्याच्या प्रत्युत्तरात गुजरात टायटन्स संघ फक्त २०८ धावा करू शकला आणि मुंबईने २० धावांनी सामना जिंकला. त्याच्या शानदार खेळीसाठी रोहितला सामनावीर म्हणूनही घोषित करण्यात आले. आता पंजाब किंग्जविरुद्धच्या क्वालिफायर २ मध्ये चाहत्यांना रोहितकडून अशाच शानदार कामगिरीची अपेक्षा असेल.

एलिमिनेटर सामन्यात, रोहित शर्मा आणि जॉनी बेअरस्टो ही जोडी मुंबई इंडियन्सकडून डावाची सुरुवात करण्यासाठी आली, कारण रायन रिकेलटन दक्षिण आफ्रिकेत परतला आहे आणि तो सध्या संघाचा भाग नाही. बेअरस्टोला त्याच्या जागी मुंबईने संघात समाविष्ट केले आहे आणि जॉनी बेअरस्टोने या हंगामातील त्याच्या पहिल्याच सामन्यात एक अद्भुत खेळी केली.